恒生全新enJoy信用卡攻略 – 儲yuu分必備、指定日子惠康92折!

#Hang Seng恒生信用卡 #恒生yuu積分 #恒生enJoy卡優惠 #恒生enJoy卡積分回贈 #恒生enJoy卡迎新 #惠康信用卡 #超市簽賬回贈 #恒生信用卡好唔好 #yuu積分好唔好 #恒生學生信用卡 #學生開enJoy卡 #恒生enJoy卡年費豁免 #yuu積分計劃

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi八達通白金卡,額外回$1,100,夾埋迎新無成本賺$2,140!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請星展Live Fresh,毋須簽賬賺額外回$500,夾埋迎新賺高達$1,500!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年7月)

恒生呢張enJoy卡,啱啱上年rebrand過再推出,個玩法完全換晒,由以前啲Cash Dollar同enJoy Dollar變咗做怡和自家嘅yuu獎賞計劃,但實際上都係大同小異。呢張卡嘅合作商戶全部都係怡和系同美心系,如果去得多呢啲鋪頭嘅不妨開返張傍身。

HASE_icon_02

恒生enJoy卡賣點
  • 每個月3、13同23號惠康、Market Place by Jasons單一簽賬滿$100有92折(超市信用卡攻略
  • 每個月1、20號萬寧簽賬有95折
  • 每個月8、18號7-Eleven簽賬有95折
  • 怡和、美心系鋪頭優惠及額外積分

呢張卡嘅賣點,上面都寫得好清楚,其中最主要就係惠康92折,可以話係吸引無數媽媽去開卡。如果你平時去開呢堆鋪頭(但盡量避免啦),咁簽呢張卡係抵啲嘅。

玩法

經過今次rebrand之後,呢張卡係完全融入咗怡和新出個yuu積分到,無晒以前恒生堆Cash Dollar同enJoy Dollar。呢個yuu獎賞計劃,簡單嚟講就係怡和版嘅獎賞錢,就算你無enJoy卡去怡和親生仔堆鋪頭買嘢都一樣儲到,但係如果有enJoy卡就可以有額外倍數積分。但同時呢,如果你揸住張enJoy卡去其他鋪頭買嘢,都一樣係有基本yuu積分㗎。用enJoy卡碌卡,基本回贈率係$1=1分,然後每200分可以換返$1,即係同以前Cash Dollar一樣回0.5%。

要用enJoy卡去賺額外積分,就要首先用yuu個App(AniOS)或者去7-Eleven到綁咗張卡落yuu獎賞計劃到先,至於邊啲鋪頭有幾多額外積分就可以望返上面幅圖。簡單嚟講,美心就兩倍;7仔、惠康、萬寧、IKEA就三倍;Pizza Hut、KFC、PHD同美心中菜等就四倍。對比起以前enJoy Dollar嘅1%回贈,呢張卡如果係3X同4X嘅鋪頭消費係會賺得多啲,分別有1.5%同2%。除咗儲積分之餘,張卡喺怡和同美心啲鋪都仲有好多其他優惠,詳細可以睇返官網

迎新禮遇
  • 新舊客綁定enJoy卡至yuu獎賞計劃,送10,000 yuu分(相等於$50)
  • 新客60日內特約商戶簽$4,000,送70,000 yuu分(相等於$350)
  • 舊客60日內特約商戶簽$4,000,送40,000 yuu分(相等於$200)

今期個迎新做到2020年12月31日,個迎新就梗係回yuu積分啦。新舊客只要綁定enJoy卡至yuu獎賞計劃,就送10,000 yuu分。然後全新恒生信用卡客戶(過往12個月無持有恒生信用卡)於開卡後60日內喺enjoy卡特約商戶簽滿$4,000合資格簽賬,可獲70,000 yuu分;如果係現有客戶亦可獲40,000 yuu分。有關積分會喺完成條件後2個月內存入。留意返恒生卡係無得零成本食迎新,所以係要老老實實去簽咗佢。

恒生enJoy卡:立即申請

伏位
  • 基本回贈率0.5%好低,特約商戶回贈率都唔算高
  • yuu積分只係喺怡和系鋪頭用到

其實呢張卡除咗指定日子去惠康有92折之外,其他真係無咩特別可取之處。先唔講除咗怡和美心就得0.5%回贈;問題係呢張卡最多先得2%回贈,仲要唔係回落月結單,所以小編會寧願用安信EarnMORE簽咩都2%或者渣打Simply Cash簽咩都1.5%更加方便。

恒生enJoy卡小檔案
  • 基本簽賬:$1=1分,相等於0.5%回贈
  • 美心、GNC簽賬:$1=2分,相等於1%回贈
  • 惠康、萬寧等怡和零售簽賬:$1=3分,相等於1.5%回贈
  • Pizza Hut、KFC、PHD及美心指定食府簽賬:$1=4分,相等於2%回贈
  • 八達通自動增值:$1=1分,相等於0.5%回贈
  • Payme/支付寶/微信支付:無回贈
  • 網上理財繳費:$1=1分,相等於0.5%回贈 (每月首$10,000)
  • 網上理財交稅:無回贈
  • 年費:永久免年費
  • 年薪要求:$150,000/學生

恒生enJoy卡:立即申請

受條款及細則約束:yuu獎賞計劃T&C迎新T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

2 則留言

  1. 想請問
    1. IKEA係咪得enjoy卡可以做免息分期?
    2. 如果做免息分期係咪最終交嘅錢先計迎新?
    3. mpower同enjoy卡點揀好?

    Thanks

    • (1)唔清楚
      (2)迎新唔計免息分期未誌賬交易
      (3) 去佢啲特約商戶多就enjoy, 網上/海外簽賬嗰啲多就mpower, 但可以開晒兩張 (mpower迎新抵啲)

留言(你的電郵不會被公開)