星展DBS Compass Visa信用卡攻略 – 指定日子百佳92折!超多優惠!

#星展信用卡 #星展Compass Visa優惠 #星展Compass Visa積分回贈 #星展Compass Visa迎新 #星展Compass Dollar #百佳信用卡 #網上簽賬回贈 #網購信用卡 #淘寶信用卡 #超市簽賬回贈 #HK Express送行李 #星展信用卡好唔好 #星展學生信用卡 #星展Compass Visa年費豁免

想出iPhone 12?,即睇iPhone 12出機攻略,食信用卡迎新最平$4,600就出到機!

今期經本網申請東亞信用卡,毋須簽賬就送$1,800超市禮券呀!

經本網申請安信EarnMORE,迎新額外回$500,無成本食$1,170!

經本網申請AE Blue Cash,迎新額外回$200,簽$6,000賺$1,172+戲飛!

經本網申請渣打/花旗/建行出糧戶口,SI自製出糧勁賺高達$16,500!

(最後更新:2020年10月)

呢張DBS Compass Visa,可以話係主打年青人同媽媽市場,雖然現金回贈率無話好吸引,但就好多幾特別嘅優惠。而其中最緊要嗰個,就係指定日子去百佳同屈臣氏有92折!呢樣真係唔係講笑,每逢有92折嗰日,百佳係真係會特別多人排隊!呢張卡嘅其他優惠就年輕人比較啱用,搭HK Express有得免費升級行李、淘寶有3%回贈、同埋每個月都有Free App Day送$8俾你買App!呢張卡年薪要求只係$100,000,同埋只要係大專學生就申請到呀!

dbsCompassVisa

DBS Compass Visa賣點
  • 每個月2、12同22號百佳、Fusion、Taste單一簽賬滿$100有92折(超市信用卡攻略
  • 每個月5、15同25號屈臣氏單一簽賬滿$500有92折
  • 一經登記,HK Express單一簽賬滿$2,000額外回$120
  • 一經登記,淘寶網購有3%回贈
  • 一經登記,每月指定日子買App有$8回贈
  • 酒店網預訂優惠(見下文)

呢張卡最主要嘅賣點,上面條list都講得好清楚,當中最好用嗰個一定係百佳92折,我呀媽平時唔用信用卡都識攞去百佳paywave。另外如果搭開廉航,其實HK Express回$120都幾實用,連埋稅兩張機票正常都已經過$2,000,但如果再大額少少就可能用匯豐Red卡食4%仲抵。

Compass Dollar

呢張卡係以Compass Dollar嘅形式做現金回贈,基本回贈係0.4%,而係以下指定商戶(誠哥旗下為主)嘅簽賬就有1%回贈。

compassdollar_2

張卡回嘅Compass Dollar,只要用佢個DBS Omni App就可以用嚟扣減簽賬,算係幾方便幾好用。其中,如果用嚟扣減以下六大簽賬類別會有8%折扣,即係$100 Compass Dollar可以扣到$108嘅簽賬。

compassdollar_4

迎新禮遇

而至於迎新方面,呢張卡個迎新就好鬼多嘢揀。今期迎新做到2020年11月30日,全新星展信用卡客戶(過去12個月內無持有星展信用卡),只要出卡後3個月內累積指定簽賬金額,即可獲得迎新獎賞*。雖然張卡個迎新唔計電子錢包/八達通自動增值,無得零成本食,但有成3個月時候簽$4,800應該都唔難。

迎新 簽賬金額
6張MCL電影禮券# $1,800(學生)
$4,800
$300任何商戶「一扣即享」金額# $4,800
$400百佳/屈臣氏「一扣即享」金額# $4,800
LE MAURICE ALUMETAL 26” 鋁框行李箱 + 摺疊旅行袋 $6,800
以$3,480換購Dyson Airwrap Complete造型器(12個月分期) $4,800
#出卡後1個月內要下載DBS Omni App並登記同啟動DBS Omni帳戶

留意返佢個「一扣即享」優惠嘅發放形式係好奇怪,係要啟動完DBS Omni之後,喺開卡後3個月內喺商戶單次簽賬滿$300/喺百佳屈臣氏單次簽賬滿$400,佢先再喺個App度push俾你㩒制扣錢。如果你玩咗佢個「一扣即享」優惠,但3個月後簽唔夠$4,800,就會扣返你錢。

另外佢仲有個迎舊做俾現有信用卡客戶,條件係出卡後3個月內要簽夠$1,800。啟動完DBS Omni之後,開卡頭4個月每個月都會有$50「一扣即享」金額,要喺商戶單一簽賬滿$50,先會喺個App度push俾你㩒制扣錢,每個月只可以扣一次。

DBS Compass Visa卡:立即申請

伏位
  • 0.4%回贈率好低,指定類別1%回贈率都唔算高
  • 上網喺海外商戶簽港幣DCC無回贈

呢張卡其實都無話咩伏位,純粹係個回贈比率唔係好吸引,基本得0.4%,指定商戶先得1%;就算以學生卡嘅標準嚟計,同安信EarnMORE嘅2%回贈或者大新ONE+嘅無上限1%回贈比都完全無得打。另外,如果上網喺海外商戶簽港幣,好似App Store/Netflix/Spotify/Airbnb咁,呢張卡係無回贈,詳情可以睇返呢篇海外簽賬DCC手續費陷阱詳解

酒店網預訂優惠

Agoda預訂酒店88折
憑DBS信用卡透過指定網頁預訂酒店可享93折。詳情可參閱官方網頁

Expedia預訂酒店91折
憑DBS信用卡透過指定網頁預訂酒店,並輸入優惠代碼「DBSHK09」,可享91折。詳情可參閱官方網頁

Hotels.com預訂酒店92折
憑DBS信用卡透過指定網頁預訂酒店,並輸入優惠代碼「AFDBSHK」,可享92折。詳情可參閱官方網頁

DBS Compass Visa卡小檔案
  • 本地簽賬:0.4%回贈
  • 指定商戶:1%回贈
  • 外幣簽賬:0.4%回贈(1.95%手續費)
  • Payme/支付寶/微信支付:0.4%回贈
  • 八達通自動增值:0.4%回贈
  • e-banking網上繳費:無回贈
  • 年費:$1,800(首年免年費,之後打電話waive
  • 年薪要求:$100,000/學生

DBS Compass Visa卡:立即申請

*受條款及細則約束:迎新T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)