大新YOU Banking優易理財SI出糧戶口優惠:迎新高達$3,740回贈

#大新手機開戶 #大新戶口優惠 #大新戶口迎新 #大新優易理財 #大新YOU Banking

經本網申請3張東亞信用卡,無需簽賬賺$1,200,夾埋迎新賺$1,950!

經本網申請指定Citi信用卡,額外送$1,000 Apple禮品卡/Samsung真無線耳機,迎新再無成本賺$900!

經本網申請AE Blue Cash,迎新額外回$300,夾埋迎新賺$872+2張戲飛!

經本網申請安信EarnMORE,迎新額外回$500,無成本食$1,170!

經本網申請渣打/花旗/建行出糧戶口,SI自製出糧勁賺高達$16,500!

有無諗過連開銀行戶口都可以賺迎新?即睇銀行開戶迎新大全

想轉出糧戶口賺迎新?玩SI自製出糧?即睇出糧戶口全攻略

(最後更新:2021年2月)

依家好多銀行都出咗手機開戶服務,仲有額外迎新獎賞,而大新亦都唔例外!除咗手機開戶可以賺$150,佢仲同時做緊個儲蓄獎賞,有閒錢放落去嘅話仲可以賺多高達$1,000回贈,做埋指定交易同開埋信用卡,最多賺到成$2,340呀!

今次大新YOU Banking開戶迎新嘅玩法,視乎你有幾多閒錢可以擺落去,主要可以揀呢幾個choice(未計經本網申請額外$150):

  1. 放5萬 + 做8萬SI + 做齊任務: $2,890
  2. 放10萬+ 做8萬SI + 做齊任務: $3,040
  3. 放25萬+ 做8萬SI + 做齊任務: $3,240
  4. 放50萬+ 做8萬SI + 做齊任務: $3,540
  5. 放70萬+ 做8萬SI + 做齊任務: $3,740

留意返上述現金回贈係計埋信用卡迎新,所以除咗擺錢仲要簽返夠數;如果你本身已經有大新信用卡,就食唔到呢part要減返$990。同埋因為佢啲現金回贈入落信用卡到,所以如果本身未開大新信用卡就一定要開埋佢。除咗現金回贈,其實呢個開戶獎賞仲可以揀換YOU積分,但就唔喺到詳述。如果你本身擁有大新戶口,都有可能會適用部份優惠(例如晉升戶口等級),但為免篇文太過複雜,以下篇文就唔cover埋現有客戶玩法。

大新手機開戶迎新詳情

YOU Banking 優易理財

1. 手機開戶

同時登記出糧: $300

無登記出糧放$5萬: $150

2. 出糧獎賞

真出糧

8萬: $600

5萬: $200

3萬: $100

1萬: $100

SI出糧

8萬: $250

5萬: $100

3. 自動轉賬繳費

每個商戶$100

上限$1,000

4. 新資金獎賞

放70萬: $1,000
放50萬: $800
放25萬: $500
放10萬: $300
放5萬: $150

5. 交易獎賞

完成指定交易:$200

6. 信用卡

信用卡迎新高達$990
(大新ONE+信用卡攻略)

總共

擺5萬 + 做8萬SI + 做齊任務: $2,890
擺10萬+ 做8萬SI + 做齊任務: $3,040
擺25萬+ 做8萬SI + 做齊任務: $3,240
擺50萬+ 做8萬SI + 做齊任務: $3,540
擺70萬+ 做8萬SI + 做齊任務: $3,740

開戶步驟(e直通遙距申請)

開YOU Banking嘅步驟好簡單,只用手機down大新個App(AniOS)嘅「e直通遙距申請」,填好資料跟住就影身份證同自拍,揀返開「優易理財」就搞掂,詳細步驟可以參考下面條片。如果想食埋出糧戶口優惠,就記住開戶時要一次過揀埋360°「易出糧」服務

YOU Banking:立即申請

1. 手機開戶(e直通遙距申請)

只係開優易理財

今期優惠做到2021年3月31號,只適用於2020年10月1日或以後無持有過大新銀行戶口嘅客戶。新客戶只要成功以手機App內「e直通遙距申請」服務開立優易理財戶口,並喺開戶後下一個月起計嘅3個月內維持每日平均儲蓄存款結存$50,000或以上(最好keep到出回贈為止),即可賺取$150回贈。有關現金回贈會喺2021年6月30日或之前入賬至信用卡賬戶。

優易理財+出糧服務

今期優惠做到2021年3月31號,只適用於無持有大新銀行戶口同埋2019年1月1日或以後無用過大新出糧嘅客戶。新客戶只要成功以手機App內「e直通遙距申請」服務開立優易理財戶口及同時成功申請出糧服務成為全新出糧服務客戶,並喺申請出糧服務後3個月內錄得一次$1萬或以上出糧交易,即可賺取$300回贈。有關現金回贈會錄得第一次合資格出糧交易後3個月內入賬至信用卡賬戶。

2. 出糧獎賞

首先同大家簡介下咩係SI(Standing Instruction 常行指示)先。簡單嚟講,SI就係喺你本身銀行戶口set個自動轉賬,然後佢每個月就會自動過數去第二個銀行戶口,即係類似自動轉賬找卡數咁。而某啲銀行(例如大新)係會將呢啲透過SI轉賬入嚟嘅錢當做出糧,咁我地就可以透過SI過數將喺另一間銀行嘅錢轉去大新,從而食大新出糧戶口優惠。然後當你大新個戶口收到條數,你又可以將筆錢手動轉返去本身個銀行戶口,咁你只要有8萬閒錢無限loop就可以食盡呢個出糧優惠。留意返登記出糧嘅時候,大新係會將SI寫成「電子直接扣賬授權(eDDA)方式存入薪金」。

今期優惠做到2021年3月31號,只適用於2019年1月1日或以後無用過大新出糧嘅全新出糧服務客戶。客戶要喺登記出糧服務起首3個月內最少連續出到2個月糧,並維持最少6個月。要做SI射錢去大新,就要去返你本身用開間銀行到做;一般打電話上hotline,同CS講要做standing instruction每個月指定日子過數去第二個銀行戶口佢就識搞,甚至有啲銀行網上理財已經可以搞掂,真係搞唔到嘅話就落分行搵櫃台職員,但部份銀行可能會收返幾十蚊手續費。留意返,SI由扣數去到第二間銀行入賬,要預返兩三個工作天,所以千祈唔好set月尾過數,如果唔係第二個月先到賬嘅話就會斷咗出糧紀錄。

唔同薪金賺到嘅回贈如下,但反正都係做SI,一般都係直接打爆8萬㗎啦。有關現金回贈會係符合上述條件後3個月內入賬。

每月薪金 真出糧 SI出糧
80,000或以上 $600 $250
50,000 – 79,999 $200 $100
30,000 – 49,999 $100
10,000 – 29,999 $100
3. 自動轉賬繳費

今期優惠做到2021年3月31號,只適用於2019年1月1日或以後無用過大新出糧嘅全新出糧服務客戶。客戶每設立一個商戶嘅合資格自動轉賬繳費服務指示(交水電煤、信用卡卡數嗰啲),並於登記出糧服務後6個月內成功自動轉賬繳費(單一交易滿$500),即可獲$100回贈。優惠下最多可獲$1,000回贈,即係可以做10個商戶嘅自動轉賬,留意有關$1萬或以上出糧指示及自動轉賬指示須維持最少6個月。有關現金回贈會係符合上述條件後3個月內入賬。

4. 儲蓄獎賞

今期優惠做到2021年3月31號,只適用於2019年10月1日或以後無持有過優易理財嘅客戶。新客戶只要成功開戶後下一個月起計嘅3個月內維持以下每日平均儲蓄存款結存,即可獲得相應現金獎賞。有關現金回贈會喺2021年6月30日或之前入賬。

新資金 現金獎賞
$700,000或以上 $1,000
$500,000 – $699,999 $800
$250,000 – $499,000 $500
$100,000 – $249,999 $300
$50,000 – $99,999 $150
5.交易獎賞

今期優惠做到2021年3月31號,只適用於2019年10月1日或以後無持有過優易理財嘅客戶。新客戶只要成功開戶後下一個月起計嘅3個月內完成一項下列指定交易,即可獲$100現金獎賞,完成晒兩項就可以獲$200獎賞。有關現金回贈會喺2021年6月30日或之前入賬。

指定交易 詳情及要求
大新八達通 App 卡自動增值交易 以大新八達通優易理財 App 卡進行八達通自動增值交易,而累積交易金額達$1,000。
(用O!ePay輕鬆玩4日就搞掂)
繳費交易 以優易綜合理財戶口作為扣賬戶口進行 i)繳費交易(透過大新網上理財或流動理財的「繳費 NET」服務、「轉賬至大新銀行戶口」 繳費(只適用於轉賬至大新信用卡或現金卡) 或「繳交大新銀行賬項」之 繳費)或 ii)自動轉賬繳費交易(於本行分行設立自動轉賬繳費服務指示), 而累積交易金額達$1,000。
(交返$1,000大新信用卡卡數就搞掂)

YOU Banking:立即申請

6. 信用卡迎新

呢個信用卡迎新其實係分開計,同個銀行戶口唔關事。大新信用卡新客成功開立ONE+信用卡,可以賺到高達$990迎新回贈,詳情可以睇返呢篇大新ONE+信用卡攻略

*受條款及細則約束:優易理財迎新T&C出糧戶口迎新T&C

小結

最後recap多次大新優易理財戶口迎新主要幾個玩法(未計經本網申請額外$150):

  1. 放5萬 + 做8萬SI + 做齊任務: $2,890
  2. 放10萬+ 做8萬SI + 做齊任務: $3,040
  3. 放25萬+ 做8萬SI + 做齊任務: $3,240
  4. 放50萬+ 做8萬SI + 做齊任務: $3,540
  5. 放70萬+ 做8萬SI + 做齊任務: $3,740

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)