[虛擬銀行] 渣打旗下Mox Bank攻略 – 開戶迎新賺$200!活期存款0.5%年息!Mox Credit指定商戶簽賬高達10%回贈!

#虛擬銀行 #Mox Bank #渣打虛擬銀行 #高息活期存款 #虛擬Debit Card #低門檻定期存款 #Mox Card #Mox Credit # Mox信用卡

新鮮出爐!即睇食信用卡迎新出iPhone 13攻略

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$1,100,夾埋迎新無成本賺$1,880!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigold大新ZAliviWeLab戶口全部有現金獎賞!

想開虛擬銀行戶口又唔知揀邊間好?即睇虛擬銀行全攻略

(最後更新:2021年9月)

Mox Bank係渣打旗下嘅虛擬銀行,所以絕對係信心之選。除咗渣打之外,Mox Bank嘅其他投資者亦包括電訊盈科、香港電訊同Trip.com。Mox Bank一大賣點係有張無卡號設計嘅Mox Card,可以分別用做Debit Card/Credit Card,唔單止一般簽賬有成1%回贈,Mox Credit喺foodpanda同其他指定商戶簽賬仲分別有10%同5%回贈!而且Mox Bank$50萬嘅活期存款都有成0.5%年息,比傳統銀行高好多,仲要係每日計息呀!依家Mox Bank仲做緊迎新,只要開戶時輸入「GoMox」邀請碼,並於開戶後30日內以Mox Card消費滿$200,就可以賺到$200現金獎賞!仲會自動參加$5,000抽獎!

虛擬銀行

咁究竟咩係虛擬銀行?其實呢樣嘢已經喺外國流行咗好耐,簡單嚟講就係無分行,靠網上理財/App可以做晒所有操作(包括開戶)嘅銀行,你可以當係高級版嘅Payme。由於無分行嘅關係,虛擬銀行提供嘅服務亦都比較簡單,好多時都係得存款、借錢呢啲簡單服務,部份亦會做埋Debit Card同保險。呢啲虛擬銀行一般存款利息都較高,亦都無最低結餘。而香港嘅虛擬銀行,係全部都領有金管局牌照,同埋有政府50萬存款保障,所以亦無需要擔心有咩風險。

開戶步驟

話明係虛擬銀行,自然開戶步驟都係好簡單!只需要以手機click入指定連結down返佢個App,影低身份證同自拍,填好資料之後好快就開到戶口!但如果大家想賺到嗰$200開戶獎賞(優惠至2021年9月29日),就記得開戶時要輸入埋「GoMox」邀請碼,並於開戶後30日內以Mox Card消費滿$200!開完戶口login返,就可以用得張mox虛擬卡,而佢亦會即刻安排寄張實體卡俾你。除咗FPS過數入錢之外,個App仲會俾你直接以eDDA(電子直接付款授權)綁定一個傳統銀行戶口(但唔支援滙豐、恒生、中銀、大新),等你可以喺App入面直接過數。

Mox開戶:App下載官網
(邀請碼:GoMox)

開戶獎賞

今期迎新做到2021年9月29日,正如上文所述,全新客戶只要down咗佢個App之後喺開戶時輸入「GoMox」邀請碼,並於開戶後30日內以Mox Card消費滿$200,即可獲$200現金獎賞!而如果嗰$200簽賬係喺2021年10月4日前完成結算,仲可以自動參加$5,000現金獎賞抽獎!現金獎賞會喺完成簽賬要求後30日內入賬。優惠名額只限20,000個,送完即止。

Mox Card

香港一向都無咩銀行搞Debit Card,但其實呢樣嘢喺外國係好興。所謂Debit Card,就即係碌卡嘅時候會類似EPS咁直接扣你銀行存款(Debit Card詳解),而唔係當喺銀行借錢,咁就少咗卡數呢個煩惱。而當你開戶之後,Mox Bank就會跟張Mox Card俾你去碌卡買嘢,呢張卡預設係一張Debit Card(Mox Debit),但只要喺App入面申請咗Mox Credit之後就可以變身為信用卡!而Mox Credit嘅著數優惠係會比Mox Debit更多!佢張實體卡仲要係採用無卡號設計,卡號同CVV要喺個App到login咗先會見到,咁就更加安全!除咗碌卡,張卡仲可以加入Apple Pay同Google Pay,甚至喺銀通同Cirrus櫃員機提款!

今期Mox Credit做緊以下簽賬優惠:

  • foodpanda 10%回贈
    由2021年8月1日起至10月31日,憑Mox Credit於foodpanda簽賬可享10%回贈;全期上限回贈$200(即簽$2,000打爆)
  • 指定商戶5%回贈
    由2021年8月1日起至10月31日,憑Mox Credit於特選商戶簽賬(包括Apple App Store、Google Play、Amazon、city'super、LOG-ON、麥當勞、DECATHLON、trip.com等)及以「HKT轉賬易」繳交HKT賬單(包括csl、網上行、NOW TV等)均可享5%回贈;全期上限回贈$250(即簽$5,000打爆)
  • 其他簽賬1%回贈
    由即日起,憑Mox Credit作合資格簽賬可享無上限1%回贈

而Mox Debit就做緊以下簽賬優惠:

  • 簽賬0.5%回贈
    由即日起,憑Mox Debit作合資格簽賬可享無上限0.5%回贈
活期存款

Mox Bank嘅活期存款利率雖然就啱啱減咗,但其實對比傳統銀行都仲好吸引!做緊$50萬有0.5%年息,仲要係每日計息呀!攞嚟泊閒錢真係好方便!如果本身有閒錢擺緊傳統大行,不妨可以轉過嚟賺息!佢個App仲有個幾特別嘅功能,會俾你建立唔同嘅「目標」戶口,仲有個「存款計算機」,幫助你實行儲錢大計!

另外Mox Bank喺2021年9月至10月仲做緊個Mox Bonus優惠,只要完成2個指定任務,包括憑Mox Card每月簽賬$4,000,同埋維持最少$50,000存款結餘,完成2個任務下一日起即可享首$50萬活期存款1厘息優惠*。

Mox開戶:App下載官網
(邀請碼:GoMox)

*受條款及細則約束:GoMox迎新T&CMox Card現金回贈T&C活期存款T&CMox Bonus T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

2 則留言

  1. 唔同嘅虛銀 debit card用嘅時候,如果戶口唔夠錢,係會碌唔到定戶口即時變負然後計利息?

留言(你的電郵不會被公開)