[虛擬銀行] ZA Bank眾安銀行攻略 – 經本網開戶賺$100!ZA Card網上簽賬6%回贈!活期存款1%年息!

#虛擬銀行 #ZA Bank #眾安銀行 #高息活期存款 #低門檻定期存款 #虛擬Debit Card #ZA Card #自訂卡號Visa Debit Card

新客經本網申請3張東亞信用卡,無需簽賬賺$1,200,夾埋迎新賺$1,950!

新客經本網申請Citi Cash Back,額外回$500,迎新無成本食$1,400

新客經本網申請安信EarnMORE,額外回$500,迎新無成本食$1,170!

新客經本網申請AE Blue Cash,額外回$300,夾埋迎新賺$872+2張戲飛!

新客經本網申請信銀Motion,額外回$500,夾埋迎新賺高達$1,700!

新客經本網申請渣打/建行出糧戶口,SI自製出糧勁賺高達$8,100!

想開虛擬銀行戶口又唔知揀邊間好?即睇虛擬銀行全攻略

(最後更新:2021年3月)

ZA Bank由眾安在綫同百仕達集團合資,前者由「三馬」馬雲、馬明哲、馬化騰所牽頭,係全香港第一間正式開業嘅虛擬銀行。雖然已經開咗業一段時間,但佢近排啲promo出得勁密!首先,今期經本網開戶,只要存入$10,000就可以賺到$100現金獎賞!另外,隨住多間虛銀相繼減息,ZA Bank係全港唯一一間仲做緊首$20萬活期存款有1%年息嘅VB,有閒錢泊喺到就最方便!ZA Bank仲要有張實體Debit Card叫ZA Card,張卡有幾個賣點,首先係開卡嘅時候可以自訂信用卡最後幾個位嘅號碼,然後今期仲做緊網上簽賬6%回贈,零售簽賬亦都可以抽獎賺高達324%回贈,超抵呀!

虛擬銀行

咁究竟咩係虛擬銀行?其實呢樣嘢已經喺外國流行咗好耐,簡單嚟講就係無分行,靠網上理財/App可以做晒所有操作(包括開戶)嘅銀行,你可以當係高級版嘅Payme。由於無分行嘅關係,虛擬銀行提供嘅服務亦都比較簡單,好多時都係得存款、借錢呢啲簡單服務,部份亦會做埋Debit Card同保險。呢啲虛擬銀行一般存款利息都較高,亦都無最低結餘。而香港嘅虛擬銀行,係全部都領有金管局牌照,同埋有政府50萬存款保障,所以亦無需要擔心有咩風險。

開戶步驟

話明係虛擬銀行,自然開戶步驟都係好簡單!只需要down返佢個App(An | iOS),影低身份證同自拍,填好資料之後等大概兩個工作天就開到戶口!但如果大家想賺到嗰$100開戶獎賞,就記得開戶嘅時候要入埋本網嘅邀請碼「O2WB25」,並於7日內存入$10,000直至收到推薦獎賞為止開完戶口login返,就可以直接申請埋張ZA Card。除咗FPS過數入錢之外,個App仲會俾你直接以eDDA(電子直接付款授權)綁定一個傳統銀行戶口,等你可以喺App入面直接過數。

ZA Bank:Android開戶iOS開戶官網
(邀請碼:O2WB25)

推薦開戶獎賞

由即日起至ZA Bank另行通知,全新ZA Bank客戶(之前未曾持有任何ZA Bank 產品)開戶時輸入本網邀請碼「O2WB25」,於開戶7日內存入$10,000並維持至發放獎賞日期,即可獲$100現金獎賞。有關獎賞會係30個工作天內直接發放入賬。除咗開戶之外,用呢個邀請碼借稅貸一樣有$100現金獎賞㗎!

ZA Card

香港一向都無咩銀行搞Debit Card,但其實呢樣嘢喺外國係好興。所謂Debit Card,就即係碌卡嘅時候會直接扣你銀行存款(類似EPS咁),而唔係當喺銀行借錢,咁就少咗卡數呢個煩惱。當你一開ZA戶口嘅時候,佢就會跟張虛擬Debit Card俾你上網買嘢,你亦可以再喺App入面申請埋張實體卡出街用。除咗碌卡,張卡仲可以喺Visa櫃員機提款添㗎!

呢張新出嘅ZA Card,又真係幾有睇頭。首先張卡嘅最後6位號碼係可以自訂,非常有gimmick,但啲數字就當然係先到先得。即日起至2021年3月31號佢仲做緊三個優惠:(1)網上簽賬6%現金回贈,每個月簽$3,334打爆;(2)Deliveroo簽賬11%現金回贈,每個月簽$1,819打爆;(3)以實體卡/Apple Pay作單一零售簽賬$10或以上,即可入App參加「最勁抽」抽獎,賺取最高200%回贈,每日最多抽20次,而3月8號至31號期間嘅簽賬更加係可以賺到最低1%最高324%回贈!不過佢個回贈計劃係有少少古靈精怪,開完ZA Card之後要再開多個ZA Coin戶口先可以賺到回贈,每1 ZA Coin可以兌換$0.01現金回贈。

ZA活期Go及定期存款

ZA Bank依家長做緊個ZA活期Go嘅計劃,首$20萬活期存款有成1%年息*,攞嚟泊閒錢真係好方便!如果本身有閒錢擺緊傳統大行,不妨可以轉過嚟賺息!除咗活期存款之外,個App仲可以俾你做定期存款,門檻仲低到$1就可以做到,依家3個月定期做緊0.65%年息。

ZA Bank:Android開戶iOS開戶官網
(邀請碼:O2WB25)

受條款及細則約束:ZA活期GO T&C推薦開戶T&C網上簽賬6%回贈T&CDeliveroo簽賬11%回贈T&C「最勁抽」抽獎T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

2 則留言

  1. 小編有冇試過用ZA Card+Reap交費 有冇回贈啊?
    諗住趁ZA仲有網上6% 用盡佢~ 🙏🏻🤑

留言(你的電郵不會被公開)