[現金回贈信用卡攻略] 真・永久免年費信用卡推薦/比較

#永久免年費信用卡 #唔使交年費信用卡 #無年費信用卡

想出iPhone 12?,即睇iPhone 12出機攻略,食信用卡迎新最平$4,600就出到機!

今期經本網申請東亞信用卡,毋須簽賬就送$1,800超市禮券呀!

經本網申請安信EarnMORE,迎新額外回$500,無成本食$1,170!

經本網申請AE Blue Cash,迎新額外回$200,簽$6,000賺$1,172+戲飛!

經本網申請渣打/花旗/建行出糧戶口,SI自製出糧勁賺高達$16,500!

(最後更新:2020年11月)

首先喺入正題之前,筆者想重申一樣嘢,其實市面上絕大部份收年費嘅信用卡都係可以waive年費,只要打個電話就得,所以其實唔需要為咗驚年費而唔去開嗰啲卡㗎!詳細可以參考返我篇信用卡免年費教學最佳現金回贈信用卡組合

不過如果你真係懶得打去waive嘅,咁就可以參考返下面嘅推介,申請返張最抵嘅免年費信用卡! 其實,免年費又抵嘅信用卡真係唔係好多。唯一一張一定要開嘅,係匯豐Red卡。如果想多啲玩法,亦可以開埋中銀,再想開多兩張就可以玩埋恒生。

匯豐Red卡

red-2

呢張新出無耐嘅Red卡,本身回贈都已經夠高,以永久免年費嘅卡嚟計,就更加係完全超晒班!呢張卡網上簽賬4%回贈、超市簽賬2%回贈,其他簽賬1%回贈,全部都係無下限無上限!單係佢嘅基本1%回贈率,以永久免年費嚟講已經係最高,所以直頭可以攞佢嚟一卡走天下!

呢張卡仲要好容易開,年薪要求只係$12萬!依家開卡,只要簽$6,000就可以食到佢$700迎新/$200迎舊!即刻入嚟望下篇匯豐Red卡攻略啦!

匯豐Red卡:立即申請

中銀Sogo Visa Signature

SOGO VS

呢張中銀Sogo VS卡,雖然無咩人識,但其實攞嚟做小額交易係勁好用!張卡依家做緊個「 手機支付5%現金回贈優惠」,只要用Apple Pay/Google Pay/Samsung Pay作零售簽賬(即係喺鋪頭拍手機俾錢),就有成5%回贈!每個月都有成$2,000 quota㗎!呢個5%嘅回贈,以小額交易嚟講,可以話係全城至高!我明白好多人可能會唔想用中銀,但係咁高嘅回贈率下,其實你每簽一次佢就蝕一次錢!實行食窮中銀

呢張卡年薪要求就高啲,要成$30萬。今期迎新,全新中銀信用卡客戶只要開卡後2個月內簽夠$5,000,就可以獲享$500 SOGO現金卷。信用卡同迎新嘅詳情可以參考返呢篇中銀Sogo VS卡攻略

中銀崇光Visa Signature卡:立即申請

中銀大灣區雙幣鑽石信用卡

BankOfChinaDualCurrencyDiamond_Brown-1

呢張中銀大灣區鑽石,雖然個名好重強國味,但其實攞嚟做小額交易/玩支付寶chok回贈都勁好用!張卡依家做緊個「手機支付簽賬4%現金回贈」優惠,只要用手機支付簽賬,就有4%回贈!每個月都有成$2,500 quota㗎!佢勁過Sogo卡嘅地方,係可以攞嚟玩埋支付寶轉賬同繳費!即係交水電煤都有4%呀!詳細可以睇返篇信用卡交水電煤雜費攻略我明白好多人可能會唔想用中銀,但係咁高嘅回贈率下,其實你每簽一次佢就蝕一次錢!實行食窮中銀

呢張卡年薪要求$20萬,即刻入嚟望下篇中銀大灣區鑽石卡攻略啦!

中銀雙幣鑽石卡<大灣區一卡通>:立即申請

恒生enJoy卡

HASE_icon_02

呢張恒生enJoy卡,雖然係免年費,但其實用途就幾局限下,除咗去怡和同美心(盡量避免啦)之外就無咩著數。張卡主打指定日子去惠康單一簽賬滿$100就會有92折,同埋指定日子去萬寧有95折。而呢張卡儲嘅係怡和嘅yuu積分,每簽$1有1分,相等於0.5%回贈,喺美心簽會有兩倍(1%),惠康、萬寧、IKEA就三倍(1.5%),Pizza Hut、KFC、PHD就四倍(2%),但啲積分只係可以喺三倍同四倍啲商鋪用到。 恒生enJoy卡嘅年薪要求只係$15萬,仲要連學生都開到!

今期迎新,全新恒生信用卡客戶只要開卡後2個月內喺特約商戶簽夠$4,000,最多可以賺到82,000 yuu積分,相等於$410回贈;而現有客戶亦可以賺到62,000 yuu積分,相等於$310回贈!信用卡同迎新嘅詳情可以參考返呢篇恒生enJoy卡攻略

恒生enJoy卡:立即申請

恒生MPOWER卡

HangSeng_New_Mpower

呢張恒生MPOWER,主打網上、海外、指定流動支付(本地餐飲、時裝鞋履及休閒娛樂)高達5%回贈!不過佢個優惠就有簽賬下限同上限,要計啱數先賺到5%,如果唔係就得返0.4%,所以用落其實幾麻煩。要食到呢5%,就要登記後用張卡每月累積合資格簽賬滿$3,000,當中以下簽賬就可以獲享5%回贈。要留意嘅係,恒生回嘅Cash Dollar係無得直接扣減信用卡款項,只可以攞嚟換禮券或者喺指定商戶簽賬嘅時候用。

回贈

簽賬上限

指定流動支付簽賬
本地餐飲(包括餅店、快餐店、咖啡店)、時裝鞋履及休閒娛樂

5%

$2,174

單一海外簽賬滿$300

5%

$4,348

單一網上簽賬滿$300
(包括網上外幣簽賬)

5%

$4,348

呢張卡年薪要求只係$15萬,仲要連學生都開到!依期個迎新,網上開卡後60日內簽滿$5,000合資格簽賬,會有$700回贈;就算係現有客戶,都有$300回贈!張卡嘅詳細玩法同迎新詳情可以睇返恒生MPOWER卡攻略

恒生MPOWER卡:按此申請

 小結

都係嗰句啦,其實多數信用卡都免到年費,所以個人認為唔需要局限自己申請永久免年費嘅信用卡!但如果真係要揀永久免年費,就一定係匯豐Red卡最筍!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)