中銀i-Card虛擬卡攻略 – Apple Pay/Boc Pay/雲閃付4%回贈!

#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #Apple Pay信用卡回贈  #雲閃付信用卡回贈 #Huawei Pay信用卡回贈 #BoC Pay信用卡回贈 #中銀虛擬卡年費豁免

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$500,夾埋迎新無成本賺$1,280!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年1月)

呢張中銀i-Card虛擬卡,雖然唔係好多人識,但其實攞嚟做小額交易係幾好用!呢張卡其實係積分卡,但一樣可以換返現金回贈。依家張卡做緊個「網上簽賬交易10X積分獎賞」同「手機支付交易10X積分獎賞」優惠,做到2021年12月31日,即係網上簽賬同手機支付都係每簽$1=10分,相當於4%現金回贈!其實網上簽賬用滙豐Red卡4%無上限回贈係贏晒呢張卡要計限額,所以大家只要focus返手機支付嗰邊就得。呢張卡手機支付嘅玩法基本上同張中銀大灣區鑽石係一模一樣,純粹係回贈少0.4%,當佢係用爆咗大灣區卡之後嘅後備咁玩就得。不過佢今年優惠就縮咗水,正式取消咗Alipay HK/WeChat Pay嘅額外回贈,無得再攞嚟交水電煤賺回贈(信用卡交水電煤攻略)。

所謂虛擬卡,即係中銀唔會真係出張卡比你,啲卡number同安全碼只係會存放喺個App入面睇到,攞嚟做網上交易同電子錢包俾錢。呢張虛擬卡係要透過中銀個BoC Pay App另外申請(BoC Pay攻略)。

005416GCCJCNJSBBMDTRNA

中銀i-Card虛擬卡賣點
  • 每月首$2,500 BoC Pay/雲閃付App/Apple Pay/Huawei Pay零售簽賬$1=10分(即4%現金回贈)
  • 每月首$1,111網上簽賬$1=10分(即4%現金回贈)(網購信用卡攻略
  • 永久免年費

正如上文所講,呢張卡個網上回贈相比滙豐Red卡4%無上限回贈係完全無得打,除非你係學生開唔到滙豐Red卡,如果唔係可以唔使理(網購信用卡攻略)。張卡嘅主打賣點,始終都係BoC Pay/雲閃付App/Apple Pay/Huawei Pay零售簽賬(出街喺鋪頭用手機俾錢)有10X積分即係成4%現金回贈。玩完大灣區鑽石卡4.4%回贈嘅$2,500 quota,就可以轉用呢張卡繼續玩食4%回贈(如果係用Apple Pay就玩咗SOGO VS卡賺5.4%回贈先)。手機支付優惠下每張卡每個月最多可以額外賺多10,000分,即係簽$1,111就會賺爆,相等於$44回贈。張卡嘅額外9X積分會喺下個月入賬,可以自己上網上理財換返現金回贈或者用BoC Pay俾錢嘅時候即時扣減簽賬。

迎新禮遇
  • 迎新二揀一:
    • 新客2個月內簽$8,000(須包括一筆手機簽賬交易)回$500
    • 新客首4個月手機簽賬額外10%回贈,上限$300(每階段$100)

中銀嘅迎新,就例牌無話好吸引。中銀i-Card虛擬卡依期個迎新做到2021年12月31日,只限中銀信用卡全新客戶(過往一年無中銀信用卡),有兩個選擇。第一個係出卡後2個月內碌$8,000零售簽賬(須包括一筆BoC Pay/雲閃付App/Apple Pay/Huawei Pay簽賬)有$500現金回贈。第二個係出卡首4個月手機簽賬(BoC Pay/雲閃付App/Apple Pay/Huawei Pay)額外10%回贈,每階段上限回$100總共回$300(見下圖例子),即係每階段簽$1,000就打爆。有關現金回贈會喺開卡後22星期內入賬。

BoC Pay:Android註冊iOS註冊官網
(邀請碼:37774835)

伏位
  • 基本回贈率得0.4%好低
  • 手機/網上支付4%回贈每個月簽$1,111就爆

除咗個迎新,呢張卡其實無咩伏位,定位非常清晰,就係攞嚟拍手機俾錢。唯一嘅缺點,就係每個月$1,111嘅限額唔係太夠喉。但其實簽呢張卡之前,係首先應該簽咗大灣區鑽石$2,500 quota賺4.4%先(如果係用Apple Pay就玩咗SOGO VS卡賺5.4%回贈先)。

換領積分

由於i-Card係回積分,所以要儲夠咗25,000分先可以登入中銀網上理財換$100現金回贈。但依家BoC Pay新出咗個功能,就係用BoC Pay簽賬之後可以直接用250分=$1嘅rate扣減簽賬,咁就唔使慢慢儲夠25,000分先換到,而且逢星期一仲有8折200分=$1嘅兌換優惠,咁計嘅話張i-Card就直頭有5%回贈!詳情可以睇返BoC Pay攻略

中銀i-card雙幣鑽石卡(虛擬卡)禮遇

名貴轎車機場接送禮遇
累積零售簽賬滿$3,000,交易次數唔多過兩次,可以$250享用轎車機場接送服務,包括香港、北京、上海機場往返市區,同深圳機場往返香港。詳細請參閱推廣網頁

雙幣卡、大灣區繳費
話明係雙幣卡,呢張卡其中一個主打當然就係方便你去強國消費、仲可以喺「大灣區」到用嚟繳費。小編就已經好耐無去過強國,大家如果有興趣可以睇返官網嘅詳細資料。

中銀i-Card虛擬卡小檔案
  • BoC Pay/雲閃付App/Apple Pay/Huawei Pay零售簽賬:$1=10分,相等於4%回贈(每月首$1,111)
  • 網上簽賬:$1=10分,相等於4%回贈(每月首$1,111)
  • 其他簽賬:$1=1分,相等於0.4%回贈
  • 網上理財繳費:$1=1分,相等於0.4%回贈(每月首$10,000)
  • 永久免年費
  • 年薪要求:$150,000

BoC Pay:Android註冊iOS註冊官網
(邀請碼:37774835)

*受條款及細則約束:網上、手機支付回贈T&C迎新T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

4 則留言

  1. 雲閃付 + i-card 用黎繳費有冇4%?

留言(你的電郵不會被公開)