中銀大灣區鑽石信用卡攻略 – Apple Pay/Boc Pay/雲閃付4.4%回贈!

#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #大媽卡 #Apple Pay信用卡回贈  #雲閃付信用卡回贈 #Huawei Pay信用卡回贈 #BoC Pay信用卡回贈 #中銀大灣區年費豁免

新客經本網申請華盛證券戶口,送Samsung無線耳機/$750 Apple禮品卡!

新客經本網申請指定東亞信用卡,毋須簽賬額外賺$1,200,夾埋迎新賺高達$1,950!

新舊客經本網申請指定建行信用卡,毋須簽賬額外賺$600!

新客經本網申請Citi Cash Back,額外回$1,100,夾埋迎新無成本賺$2,000!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開CitiinMotion建行MoxZAliviWeLab戶口全部有現金獎賞!

(最後更新:2021年1月)

呢張中銀雙幣鑽石卡<大灣區一卡通>,雖然唔係好多人識,同埋個名好重強國味,但其實攞嚟做小額交易係幾好用!張卡依家做緊個「手機支付簽賬4%現金回贈」優惠,一路做到2021年12月31號,只要用BoC Pay、雲閃付App、Apple Pay或Huawei Pay手機支付簽賬,就有額外4%回贈計埋本身基本積分,就係4.4%回贈!呢個4.4%嘅回贈,以小額交易嚟講,除咗中銀Sogo VS卡嘅5.4%就係佢最高!不過佢今年優惠就縮咗水,正式取消咗Alipay HK/WeChat Pay嘅額外回贈,無得再攞嚟交水電煤賺回贈(信用卡交水電煤攻略)。

BankOfChinaDualCurrencyDiamond_Brown-1

中銀雙幣鑽石卡<大灣區一卡通>賣點
  • 每月首$2,500 BoC Pay/雲閃付App/Apple Pay/Huawei Pay零售簽賬額外4%回贈
  • 海外簽賬無手續費
  • 銀聯卡專享禮遇(見下文)
  • 雙幣卡、「大灣區」支付及繳費
  • 永久免年費

呢張卡嘅主打賣點,就係BoC Pay/雲閃付App/Apple Pay/Huawei Pay零售簽賬(出街喺鋪頭用手機俾錢)有成額外4%現金回贈*!計埋本身基本積分,就係4.4%回贈!如果用開Apple Pay,就可以玩完中銀SOGO VS卡5.4%回贈嘅$2,000 quota先再玩呢張卡。呢個優惠每月嘅回贈上限係$100,換言之簽$2,500就會爆;額外4%現金回贈會喺下個月入賬,而基本積分回贈就要自己上網上理財換返現金回贈或者用BoC Pay俾錢嘅時候即時扣減簽賬。

迎新禮遇
  • 迎新二揀一:
    • 新客2個月內簽$8,000(須包括一筆手機簽賬交易)回$500
    • 新客首4個月手機簽賬額外10%回贈,上限$300(每階段$100)
  • 新客網上申請額外回$100

中銀嘅迎新,就例牌無話好吸引。中銀大灣區卡依期個迎新做到2021年12月31日,只限中銀信用卡全新客戶(過往一年無中銀信用卡),有兩個選擇。第一個係出卡後2個月內碌$8,000零售簽賬(須包括一筆BoC Pay/雲閃付App/Apple Pay/Huawei Pay簽賬)有$500現金回贈。第二個係出卡首4個月手機簽賬(BoC Pay/雲閃付App/Apple Pay/Huawei Pay)額外10%回贈,每階段上限回$100總共回$300(見下圖例子),即係每階段簽$1,000就打爆。最後,只要係網上申請張信用卡,一律再回多$100。有關現金回贈會喺開卡後22星期內入賬。

中銀雙幣鑽石卡<大灣區一卡通>:立即申請

伏位
  • 銀聯未必到到都有得簽
  • 基本回贈率得0.4%好低
  • 手機支額外付4%回贈每個月簽$2,500就爆

呢張卡其實無咩伏位,定位非常清晰,就係攞嚟手機簽賬俾錢。主要嘅缺點,就係每個月$2,500嘅限額唔係太夠喉。如果玩完呢$2,500 quota,就可以轉用i-Card虛擬卡賺4%。

銀聯卡尊享禮遇(只限雙幣鑽石卡)

LoungeKey大中華機場貴賓室服務
連續2個月內合計簽夠$12,000,可以連同親友預約享用3次LoungeKey大中華機場貴賓室服務,涵蓋中港澳台130多個Lounge。詳細請閱推廣網頁

名貴轎車機場接送禮遇
累積零售簽賬滿$3,000,交易次數唔多過兩次,可以$250享用轎車機場接送服務,包括香港、北京、上海機場往返市區,同深圳機場往返香港。詳細請參閱推廣網頁

雙幣卡、大灣區支付及繳費

話明係雙幣卡同<大灣區一卡通>,呢張卡其中一個主打當然就係方便你去強國消費、仲可以喺「大灣區」到直接用嚟搭車同繳費。小編就已經好耐無去過強國,大家如果有興趣可以睇返官網嘅詳細資料。

中銀雙幣卡<大灣區一卡通>鑽石卡小檔案
  • BoC Pay/雲閃付App/Apple Pay/Huawei Pay零售簽賬:4.4%回贈(每月首$2,500)
  • 其他簽賬:$1=1積分,相等於0.4%回贈
  • 八達通自動增值:$1=1積分,相等於0.4%回贈
  • 網上理財繳費:$1=1分,相等於0.4%回贈(每月首$10,000)
  • 永久免年費
  • 年薪要求:$200,000

中銀雙幣鑽石卡<大灣區一卡通>:立即申請

*受條款及細則約束:手機支付回贈T&C迎新T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

8 則留言

  1. 用雲閃付交電費和管理費可賺4%回贈嗎?

  2. 請問呢張咭綁支付寶繳交管理費有4%回贈嗎?

  3. 回贈是什麼時候入帳呢?

留言(你的電郵不會被公開)