AE Explorer™信用卡攻略 – 經本網申請迎新賺高達$5,100!全年簽賬高達5倍積分!可豁免年費及入Lounge!

#美國運通信用卡 #American Express信用卡 #AMEX信用卡 #AE Explorer信用卡 #美國運通Explorer信用卡優惠回贈 #美國運通Explorer信用卡迎新 #AMEX Explorer #美國運通Explorer信用卡豁免首年年費

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$500,夾埋迎新無成本賺$1,280!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年10月)

AE新出嘅美國運通Explorer信用卡,主打全年合資格簽賬有高達5倍AE積分!依家個迎新,只要開卡簽賬一次就可以賺到$300,簽夠$5,000就賺到$883,最高仲可以賺到價值高達$4,200獎賞!就算本身有其他AE卡都一樣賺到呢個迎新!

今期經本網成功申請,仲毋須簽賬額外送$700 Apple Gift Card/city'super現金券!同時開多兩張附屬卡仲可以再賺多$200 city'super現金券!即係合共簽賬一次就有$1,200獎賞,簽夠$5,000就有$1,783獎賞,最高仲可賺到高達$5,100獎賞!

雖然呢張卡就係玩儲分而唔係直接現金回贈,但佢啲分可以Pay with Points抵銷簽賬,仲可以換里數、酒店積分、現金券,所以玩現金回贈或者想換其他嘢都一樣啱用㗎!張卡計返現金回贈指定網上商戶簽賬就有成1.67%回贈!最後,好多人最關心嘅年費問題,呢張卡定位比細頭大頭嚟得親民,唔單止首年免年費,之後只要簽夠數亦都可以繼續waive到年費,而年薪要求就係HK$30萬。

美國運通Explorer信用卡賣點
  • 本地合資格簽賬:每HK$1=3美國運通積分,相等於1%現金回贈/ HK$5=1里
  • 外幣合資格簽賬:等值每HK$1=3.75美國運通積分,相等於1.25%現金回贈/ HK$4=1里
  • 航空公司、指定旅遊及日常消費網站合資格簽賬:每HK$1=5美國運通積分,相等於約1.67%現金回贈/ HK$3=1里
  • 積分無上限+無限期,可以Pay with Points抵銷簽賬或免手續費兌換10種里數/酒店積分/現金券
  • 主卡及附屬卡會員每年免費入環亞機場貴賓候機室合共10次

呢張卡首年免年費,然後只要每年簽夠HK$150,000亦可以繼續免到年費,以AE卡嚟講算係親民。低門檻得嚟,張卡亦都做足免費入lounge、旅遊保險、購物保障等嘅benefits,而且每簽HK$1仲可以賺到3-5分,計返都有1%-1.67%現金回贈,所以非常抵玩!

迎新禮遇

信用卡迎新

今期AE Explorer卡迎新做到2021年10月31日,分為現金券同額外積分兩part。無論係AE新客定AE現有客戶一樣都有迎新,就算已經有其他其他美國運通卡都一樣賺到

  • 成功網上申請並於7個工作天內提交所有文件,送HK$100 city'super現金券*
  • 首3個月內簽賬一次,送HK$200 city'super現金券*
  • 首3個月內簽滿HK$5,000,送HK$500 city'super現金券*
  • 首3個月內本地簽賬HK$1=5分,上限簽HK$120,000賺60萬分*,相等於HK$2,000回贈
  • 首3個月內外幣簽賬HK$1=5分,上限簽HK$84,000賺42萬分*,相等於HK$1,400回贈
  • 即係只要簽賬一次就賺到HK$300現金券
  • 如果簽HK$5,000就賺到HK$800現金券+25,000分 ,合共相等於HK$883
  • 如果簽爆HK$120,000本地簽賬+HK$84,000外幣簽賬就賺到HK$800現金券+102萬分,合共相等於HK$4,200
  • 上述現金券將會喺完成相關要求後12個星期由AE直接寄出

本網額外主卡迎新

  • 2021年10月26日10PM至10月31日經本網下面橙色字指定連結申請
  • 成功批卡後7日內,將(1)申請之產品名稱、(2)申請日期及(3)成功批核短訊/電郵截圖,電郵至[email protected],以領取及填妥獎賞換領表格
  • 毋須簽賬額外送$700 Apple Gift Card/city'super現金券*
  • 由於核對申請需時,有關禮品換領電郵大概會喺4個月內發出
  • 信用卡戶口須於獎賞發出時仍然有效

本網額外附屬卡迎新

  • 2021年10月1日至10月31日經本網下面橙色字指定連結申請
  • 於申請時同時一併申請附屬卡
  • 成功同時申請每張附屬卡送HK$100 city'super現金券,最多開2張送HK$200
  • 毋須填寫換領表格
  • 上述現金券將會喺完成相關要求後12個星期由AE直接寄出

AE Explorer信用卡:立即申請
(批卡後7日內要send email攞換領表格呀!)

玩法

呢張卡簽賬賺嘅係美國運通積分,啲分係唔會過期,可以用Pay with Points直接抵銷簽賬,仲可以免手續費兌換10間航空公司里數、萬豪/Hilton積分、現金券。只要入返AE個App或者網上理財,就可以用3,000分=HK$10嘅比例抵銷簽賬。

至於呢張卡嘅賺分比率,本地合資格簽賬就每HK$1=3分(相等於1%現金回贈現金回贈 / HK$5=1里),外幣合資格簽賬就每HK$1=3.75分(相等於1.25%現金回贈/HK$4=1里),而航空公司同埋指定旅遊及日常消費網站合資格簽賬就每HK$1=5分(相等於1.67%現金回贈 / HK$3=1里)。指定旅遊及日常消費網站包括Apple Online Store、Netflix、Amazon、Foodpanda、Deliveroo、Agoda、Expedia、Hotels.com、Trip.com、Klook等等,詳細名單可以參考返官網

以上兌換率乃依據2021年2月。

會員禮遇及保障

環亞機場貴賓候機室
主卡及附屬卡會員每年可免費專享環亞機場貴賓候機室之設施合共10次。有關候機室名單請參閱官網

電影禮遇
專享香港百老匯院線4DX、3D、2D及 IMAX 電影正價戲票9折優惠。

免費旅遊保障
只需以美國運通Explorer信用卡支付全數海外旅遊費用,即可享旅遊意外保障金額高達HK$3,500,000及旅遊延誤保障每年保障額達HK$10,000。

網上購物安全保證
憑卡於網上購物盡享安全保障,避免不必要的損失,消費倍感方便、安心。

無憂消費主義購物保障
憑卡購物專享退貨保證、45日購物保障、延長保養服務、價格保障。

世界級服務
無論何時、何地,如有任何需要,只需致電 2277 2005,AE職員全日24小時均會全力以赴,竭誠效勞。

AE Explorer信用卡:立即申請
(批卡後7日內要send email攞換領表格呀!)

伏位

呢張卡其實都無咩話伏位,以AE咁低門檻嚟講算係好抵玩。雖然玩現金回贈嘅話個回贈率就未算最高,但佢啲積分無限期,夠彈性,唔玩現金回贈都隨時可以換里數/酒店積分/現金券,最緊要免手續費,而且仲再有堆fringe benefits!

FAQ
美國運通Explorer信用卡有無年費?

呢張卡首年免年費,之後年費係HK$1,800。只要每年簽夠HK$150,000,就可以免到第二年起嘅年費。

係咪要新客戶先有迎新同額外獎賞?

美國運通嘅迎新係逐張卡計,只要過去12個月無美國運通Explorer信用卡,就算係新客,可以食到迎新同額外獎賞。

點樣攞經本網成功申請嘅額外獎賞禮品?幾時先會收到?

只要經本網指定連結申請有關信用卡,並喺成功批卡後7日內電郵至[email protected]領取及填妥換領表格(留意宣傳/垃圾郵件),就合資格領取MoneyHero嘅$700額外獎賞。喺同有關金融機構核實資料,確認信用卡為經本網成功申請之後,就會收到由MoneyHero發出嘅換領電郵(留意有無去咗宣傳/垃圾郵件),成個過程大概需時4個月。為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。 若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。 如對額外獎賞換領有任何查詢或未有收到換領表格電郵,請電郵至[email protected]com.hk或於辦公時間致電3018 9760。

迎新合資格簽賬計啲咩?Payme計唔計?

由於美國運通卡係增值唔到Payme/Alipay/WeChat Pay,亦做唔到八達通自動增值,所以只可以老老實實去買嘢簽賬。參考返T&C原文:下列款項不會計算在可賺取消費回贈的簽賬額之內︰參加美國運通積分計劃前已過 數及計算的簽賬、美國運通卡年費、結餘轉戶、「運通財」及其他現金透支服務、購買美國運通旅行 支票、購買美國運通禮券或旅遊支票禮券或旅遊禮券、因不能兌現支票而收取的費用、財務費用、過期付款附加費及追討欠賬的費用、海外簽賬退稅、繳附稅項及所有經美國運通卡賬戶或綜合登記戶口繳付煤氣及電費之公營機構簽賬。

美國運通Explorer信用卡小檔案
  • 本地簽賬:每HK$1=3分,相等於1%現金回贈/ HK$5=1里
  • 外幣簽賬:每HK$1=3.75分,相等於1.25%現金回贈/ HK$4=1里(2%手續費)
  • 航空公司、指定旅遊及日常消費網站簽賬:每HK$1=5分,相等於約1.67%現金回贈/ HK$3=1里
  • Payme/支付寶/微信支付:不適用
  • 八達通自動增值:不適用
  • 網上理財繳費:不適用
  • 年費:HK$1,800(首年免年費,第二年起每年簽夠HK$150,000豁免年費)
  • 年薪要求:HK$300,000

*額外迎新禮品由MoneyHero送出及安排換領,受條款及細則約束。所有經本網成功申請紀錄以有關金融機構提供資料為準,MoneyHero保留最終決定權。若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。

受條款及細則限制:迎新T&CExplorer卡優惠T&C電影禮遇T&CAE積分T&CPay with Points T&C旅遊保障T&C購物保障T&C網上購物保障T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

2 則留言

  1. 迎新
    首3個月內本地簽賬HK$1=5分,上限簽HK$120,000賺60萬分*,相等於HK$2,000回贈

    指定旅遊及日常消費網站合資格簽賬就每HK$1=5分(相等於1.67%現金回贈 / HK$3=1里)。

    請問係咪 一開始果12萬 只要係指定旅遊及日常消費網站 就兩個回贈 都有嫁? 1蚊=10分?

留言(你的電郵不會被公開)