信銀出糧戶口迎新：賺高達$2,600回贈！

#中信銀行國際出糧戶口優惠 #中信銀行出糧戶口迎新

（最後更新：2020年10月）

今期信銀做緊個出糧戶口推廣，開立「出糧plus」戶口最多可以賺到成$2,600現金回贈！不過留意返，信銀出糧個回贈係唔計SI，只係計公司自動轉賬出糧，即係要搵公司HR轉出糧戶口，其他形式出糧一律係食唔到出糧個回贈。雖然呢個promo同渣打、Citi嗰啲可以SI自製出糧相比無咁方便，但都算係幾吸引！

簡單而言，視乎你本身份糧有幾多，可以賺到以下回贈：

• 出2萬糧賺$800／出4萬糧賺$1,300／出8萬糧賺$2,600

今次介紹嘅呢個出糧優惠，只要本身無用開信銀出糧就玩得，但係信銀現有客戶就會賺少幾百回贈。而呢個出糧戶口，係一定要落分行去開；落到分行之後同職員講話要開出糧戶口玩呢個「出糧plus」promo就得。如果你本身係inMotion戶口客戶，就要玩晒inMotion啲迎新之後，再落分行搞轉做實體戶口開出糧服務。

信銀「出糧plus」戶口迎新詳情

今期優惠做到2020年12月31日，只限過往12個月未用過信銀戶口出糧嘅客戶。呢個優惠分為兩part，第一部份係「自動轉賬出糧獎賞」，第二部份係「自動出糧出糧1周年獎賞」，夾埋最多可以回贈到$2,600。正如上文所述，信銀呢個出糧promo只會計算由僱主公司戶口以自動轉賬方式直接存入嘅薪金，其他SI、支票、轉賬、存款、現金等出糧方式全部唔計。所以你份糧已經fix死咗你賺到幾多回贈，如果出糧方式唔啱仲要係無份食。假設食晒兩part優惠，唔同人工可以賺到嘅最高回贈如下：

每月平均出糧金額	最高現金回贈
$60,000或以上	$2,600
$40,000 – $59,999	$1,300
$20,000 – $39,999	$1,000

如果你本身有信銀信用卡，上述獎賞會入賬落信用卡戶口（另外開信銀Motion信用卡仲有$560迎新），無嘅話就會入返落銀行戶口。

信銀出糧戶口：立即申請

a. 自動轉賬出糧獎賞

首先第一part回贈，要喺「出糧plus」戶口登記日起計首5個月內，成功連續出2個月糧，並一直維持至第6個月發放現金回贈。

每月平均出糧金額	現金回贈
$60,000或以上	$1,000
$40,000 – $59,999	$500
$20,000 – $39,999	$300

b. 自動出糧出糧1周年獎賞

然後第二part嘅回贈，雖然個名叫1周年獎賞，但其實係要做多過一年。如果要賺齊晒回贈，就要開立出糧戶口後，一直維持至第17個月發放現金回贈。呢part嘅回贈會分兩次出，去到第11個月會出一半先，然後去到第17個月再出埋另一半。留意返佢個回贈金額係分咗全新客戶同現有客戶，如果你開出糧戶口之前本身已經有信銀戶口，係會賺少幾百。

每月平均出糧金額	現金回贈
	全新客戶	現有客戶
$60,000或以上	$1,600	$1,000
$40,000 – $59,999	$800	$500
$20,000 – $39,999	$500	$300

（條款及細則）

小結

最後recap多次信銀出糧迎新玩法：

• 出2萬糧賺$800／出4萬糧賺$1,300／出8萬糧賺$2,600