Citi八達通白金信用卡攻略 – 搭港鐵/巴士/小巴/渡輪15%回贈!仲賺埋政府交通補貼!

#Citibank信用卡 #花旗Citi八達通信用卡優惠 #Citi八達通信用卡積分回贈 #Citi八達通信用卡迎新 #Citi八達通搭巴士優惠 #Citi八達通港鐵地鐵優惠#八達通信用卡 #八達通現金回贈 #Citi信用卡好唔好 #Citi學生信用卡 #學生開Citi八達通 #Citi八達通年費豁免

新鮮出爐!即睇食信用卡迎新出iPhone 13攻略

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$1,100,夾埋迎新無成本賺$1,880!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigold大新ZAliviWeLab戶口全部有現金獎賞!

(最後更新:2021年9月)

今次介紹呢張Citi八達通白金卡,係八達通同信用卡嘅二合一版本,攞嚟碌卡又得,拍八達通又得,然後張八達通無錢就會自動喺信用卡嗰邊增值,啱晒唔鐘意攞咁多卡出街嘅朋友。呢張卡本身最大嘅賣點,係搭港鐵、巴士、渡輪、電車、綠色小巴都有15%回贈,甚至連揸車過隧道都賺到5%回贈!仲要連買九巴月票都一樣回到!再食埋政府個交通補貼,交通費真係當堂平返一大截。呢個優惠實在係日日搭車嘅打工仔嘅福音,尤其係住喺大西北出城返工嘅朋友仔!

呢張卡嘅迎新,可以玩電子錢包零成本食到$1,000回贈!今期經本網成功申請仲有額外$200超市禮券呢張卡仲要門檻好低,連學生都申請到。不過除非係學生,如果唔係會建議開咗張Citi Cash Back食嗰張卡個迎新先,會再抵啲!

Citi八達通白金卡賣點
  • 搭港鐵、巴士、渡輪、電車、綠色小巴,過隧道15%回贈

除咗可以帶少張卡出街之外,呢張卡唯一,亦係最屈機嘅賣點就係搭車有15%回贈;賺完Citi回贈,仲可以用車費原價賺政府交通津貼呀!假設一個月車費係$1,000,就可以賺到Citi $150回贈,再攞埋政府$267補貼,車費就變成$563,即係搭車成56折呀!

迎新禮遇

銀行迎新

  • 新客2個月內簽$8,000(須包括一次$500八達通自動增值)回$1,000,本身回贈亦有$40
  • 舊客30日內啟動自動增值、完成$500八達通自動增值一次,並成功登記車費15%回贈推廣,回贈$200增值額
  • 可以用電子錢包無成本食迎新

本網額外迎新

  • 只限全新Citi信用卡客戶(過去12個月未持有Citi信用卡)
  • 即日起至2021年9月30日經本網下面橙色字指定連結成功申請
  • 新客經本網下面橙色字指定連結成功申請,無需簽賬額外有$200超市禮券*(學生不適用)
  • 申請後7日內填寫電郵內嘅換領表格(留意宣傳/垃圾郵件)
  • 計埋銀行迎新合共$200超市禮券+$1,040現金回贈

今期迎新做到2021年9月30日。全新Citi信用卡客戶(過去12個月未持有Citi信用卡)喺批卡後2個月內累積$8,000認可簽賬(須包括一次$500八達通自動增值),即可享$1,000回贈*。而Citi嘅迎新,係四大電子錢包(Payme/支付寶/微信支付/O!ePay)嘅簽賬全部都計,所以零成本就食到迎新!上述禮券/回贈將會係簽滿額後4個月內郵寄/入賬。不過除非係學生,如果唔係會建議開咗張Citi Cash Back食嗰張卡個迎新先,會再抵啲!如果係現有客戶開卡,亦都有個$200八達通增值額嘅迎舊。

而今期經本網成功申請嘅額外回贈,同樣係做到2021年9月30日。全新Citi信用卡客戶經本網下面橙色字指定連結成功申請Citi八達通白金卡,並喺申請後7日內填寫電郵內嘅換領表格(留意宣傳/垃圾郵件)無需簽賬額外送$200超市現金券(不適用於學生)。夾埋銀行個迎新,就即係零成本簽$8,000就可以賺到合共$200超市禮券+$1,040現金回贈由於核對申請需時,有關禮券大概會喺4個月內發出。

電子錢包零成本食迎新示範
假設1月15號批卡,1月20號Payme增值$1,000、Alipay轉賬$1,000俾朋友、WeChat Pay又轉賬$1,000俾朋友,夾埋就碌咗$3,000。然後2月1號同3月1號再重覆,夾埋60日內已經簽過$8,000成功食迎新,另外做一次$500八達通自動增值就搞掂。或者再簡單啲,直接玩O!ePay八達通自動增值$500 16次就搞掂迎新,然後可以分3個月轉返筆數入銀行戶口。

[為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。]

Citi八達通白金卡:立即申請
(申請後7日內要填返email入面份換領表格呀!)

學生迎新

  • 學生新客2個月內簽$1,000(須包括一次$500八達通自動增值)回$400,本身回贈亦有$12.5

今期學生迎新做到2021年10月31日,學生新客喺批卡後2個月碌滿$1,000合資格簽賬(須包括一次$500八達通自動增值),即可享$400回贈!留意返經本網成功申請嘅額外獎賞迎新係唔適用於學生申請。想開Citi八達通學生卡嘅話可以去返呢到申請

車費回贈玩法

即日起至2021年10月31日,一經登記,只要每月憑名下嘅所有Citi信用卡累積滿$3,000認可簽賬,即可獲享港鐵、巴士、渡輪、電車及綠色小巴15%車費回贈*!呢$3,000認可簽賬雖然唔計八達通自動增值,就計Payme/支付寶/微信支付,所以零成本玩電子錢包就可以簽夠攞到呢15%優惠(每個月Payme增值$1,000,再用支付寶同微信各轉賬$1,000俾朋友)!即係無成本就可以攞到呢個15%回贈優惠!如果每月簽夠$10,000嘅話,就會再多埋有5%隧道費回贈,而每月回贈上限仲會由$300加到$500!有關回贈會喺於該月份後3個月內入賬,並會直接抵銷信用卡自動增值金額。

詳細可以食到呢個優惠嘅路線/隧道如下,留意返例如東鐵線頭等呢啲附加費係唔計。

而呢個搭車優惠,仲要唔單止係上巴士拍卡嘟車費,就連買九巴月票都一樣賺到!再夾埋政府個交通補貼,一張$780嘅九巴月票,就只需要$470就可以買到!講緊係$470就可以成個月瘋狂搭巴士呀!足足係原價6折!而九巴仲要好貼心咁寫咗篇文教大家點食盡呢個優惠添呀!

Screenshot 2020-07-17 at 15.23.32

至於如果用嚟買港鐵全月通/都會票呢啲賺唔賺到回贈,就Citi嘅CS都唔係好識答,如果有朋友試過實測過麻煩可以同小編報料呀!

伏位
  • 基本回贈率得0.5%
  • 上網喺海外商戶簽港幣無回贈

除咗搭車之外,呢張卡所有嘢都係得0.5%回贈;由於佢嗰$3,000/$10,000嘅合資格簽賬額係計埋其他Citi信用卡(首選用Citi Cash Back簽),所以除咗搭車之外係完全無需要用呢張卡㗎!另外,如果上網喺海外商戶簽港幣,好似App Store/Netflix/Spotify/Airbnb咁,呢張卡係無回贈,詳情可以睇返呢篇海外簽賬DCC手續費陷阱詳解

FAQ
Citi 八達通白金卡有無年費?

呢張卡首年免年費,之後年費係$1,800,但其實一年後見到月結單收年費可以打電話waive。如果waive唔到,只要即刻cut卡就唔使交,而一年後cut卡亦唔會有任何罰則。所以大家可以放心開卡賺迎新!

係咪要新客戶先有迎新同額外獎賞?點先算係新客戶?

今次Citi迎新同經本網成功申請額外獎賞都只限遞交申請日之前12個月內並無持有Citi信用卡之全新Citi信用卡客戶,即係12個月內持有過任何一張Citi信用卡都唔合資格,另外額外獎賞亦唔適用於學生。即使同時申請多過一張Citi信用卡,每位客戶最多只可享一份銀行迎新獎賞及一份經本網申請額外獎賞。如果只係持有銀行戶口,都可以食到信用卡迎新同額外獎賞。

點樣攞經本網成功申請嘅額外獎賞禮品?幾時先會收到?

只要經本網指定連結申請有關信用卡,並喺申請後7日內填寫電郵內之換領表格(留意宣傳/垃圾郵件),就合資格領取MoneyHero嘅額外獎賞。喺同有關金融機構核實資料,確認信用卡為經本網成功申請之後,就會收到由MoneyHero發出嘅換領電郵(留意有無去咗宣傳/垃圾郵件),成個過程大概需時4個月。為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。如對額外獎賞換領有任何查詢或未有收到換領表格電郵,請電郵至[email protected]com.hk或於辦公時間致電3018 9760。

迎新合資格簽賬計啲咩?Payme計唔計?

Citi信用卡迎新最正就係連電子錢包都計,包括Payme/支付寶/微信支付/O!ePay簽賬都全部計晒,所以零成本玩電子錢包就已經可以簽完個迎新!參考返T&C原文:簽賬條件之計算包括基本卡及附屬卡(如適用)之所有已誌賬的簽賬及免息分期的每月供款。非認可簽賬包括(但不限於) 透過快速支付系統 (「轉數快」)進行之交易、旅行支票之金額、現金透支、信用卡結餘轉賬之金額、折現計劃之金額、賬單「分期更好使」計劃及簽賬「分期更好使」計劃、「Quick Cash」套現分期計劃之金額、繳付予稅務局之稅項、以網上銀行或網上支付系統繳費或繳交公共事務費用/保險費用、以「Citi PayAll服務」所繳交之費用、繳交基金之供款、銀行手續費、賭場交易、未誌賬/取消/退款的交易及其他未經許可或有舞弊/欺詐成份之簽賬。

Citi八達通白金卡小檔案
  • 指定交通路線/隧道:15%回贈
  • 一般簽賬:0.5%回贈
  • 八達通自動增值:0.5%回贈
  • Payme/支付寶/微信支付:0.5%回贈
  • 網上理財繳費:無回贈
  • 年費:$1,800(首年免年費,之後打電話waive
  • 年薪要求:$120,000/學生

Citi八達通白金卡:立即申請
(申請後7日內要填返email入面份換領表格呀!)

*額外迎新禮品由MoneyHero送出及安排換領,受條款及細則約束。所有經本網成功申請紀錄以有關金融機構提供資料為準,MoneyHero保留最終決定權。
受條款及細則約束:巴士車費回贈T&C迎新T&C迎舊T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

62 則留言

  1. 如果用citibank cash back 簽夠$3000以上
    另外做八達通自動增值,
    轉錢去Citi八達通白金信用卡 (citi 八達通沒有任何簽賬或增值)
    能否有15%回贈?

  2. 想問係咪可以Link返自己八達通?還是到時等於開咗張新八達通比我?thanks

  3. 想問宜家係咪冇左送藍牙耳機啦?

  4. 無用chrome 用左safari 申請係咪一定唔得?

  5. 要幾耐可以cut卡架?然後cut左係咪一年後再申請先有迎新?

  6. 你好,我申請後沒收到換領表格

  7. 請問如果係一星期前申請咗張citi cash back, 但未批, 宜家申請citi八達通, 算唔算新客戶而拎到1100 apple give card?
    (之前從未有過citi信用卡)

    • 咁唔得呀。但如果仲未批嘅話,可以即刻打上去取消申請,之後再經我哋開卡。

      • 小編阿 請問我係之前8達通信用卡係拎耳機優惠果時申請左 但我想搵番你果篇文章睇番點樣做齊迎新優惠 點解衣家睇吾番 係邊渡搵得番黎睇阿 吾該

        • 因為個offer完咗啦~
          申請後7日內填form,申請後30日內獲批卡,並喺批卡後30日內簽$300就可以

          • 我知道完左 送耳機個優惠係要8月16日前獲批成功仲要獲批一個月內簽滿300蚊先有得拎耳機 但係本身銀行個迎新優惠你吾係寫住用零成本最高可達$2140迎新優惠 我想問仲有邊得有得睇番教學? 因為我搵吾番你既教學

  8. 請問現在有冇資料全月通有冇15%回贈?

  9. 我已經成功申請到Citibank信用卡,如何申請額外獎賞:耳機、酒店套票等

  10. 本網額外迎新, 於2021年8月16日或之前成功獲批信用卡, 是否意思要在16/8 前獲批信用卡, 才有額外迎新禮品?如今日申請, 會在16/8 前獲批?

  11. 想問如果我用支付寶易乘碼 綁citi八達通卡係咪都計落交通費 即係簽夠$3000都會有15%回贈?同埋如果用呢張卡拍港鐵特惠站 但搭地鐵用易乘碼綁citi 八達通卡會唔會都有效?

  12. 想問問呢,第一,停車場費計唔計落合資格簽賬架?第二,停車場費係咪淨係會得0.5%回贈?

  13. 你好,想問問幾個問題。第一,要一個月簽夠$10000先有5%隊道費,咁簽帳計唔計埋PayMe 支付寶 WeChat轉帳同O!ePay?第二,想問問迎新果500自動增值交易,係交易一次,就會自動增值$500落去?還是要另外申請八達通自動增值?另外,交易好似八達通咁拍卡就可以?第三,O!ePay果度,係咪即係用八達通app 再用citi信用卡增值落去就完成?

  14. 可否用其他信用卡自動增值或手動增值呢張八達通? 比如用earnmore 2%會比呢張0.5%多

  15. 請問知唔知交通回贈啲錢點先用到?
    見到佢回贈左,但又無入落張卡扣錢

    仲有citibank 想聯絡cs 知電話幾號嗎?
    打去禁來禁去都無人對話

    Thanks

留言(你的電郵不會被公開)