中銀Sogo VS信用卡攻略 – Apple Pay/Google Pay簽賬賺5.4%回贈!

#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #Apple Pay信用卡回贈 #Google Pay信用卡回贈 #Samsung Pay信用卡回贈 #中銀Sogo卡年費豁免

新客經本網申請指定東亞信用卡,毋須簽賬額外賺$1,200,夾埋迎新賺高達$1,950!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請Citi Cash Back,額外回$500,夾埋迎新無成本賺$1,400!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開Citi東亞大新建行ZAliviWeLab戶口全部有現金獎賞!

(最後更新:2021年1月)

今次介紹呢張中銀崇光Visa Signature卡(留意唔好開錯白金卡),雖然無咩人識,但其實攞嚟做小額交易係超級屈機!張卡依家做緊個「 手機支付5%現金回贈優惠」,一路做到2021年12月31號,只要用Apple Pay/Google Pay/Samsung Pay簽賬就有額外5%回贈計埋本身基本積分,就係5.4%回贈呢個5.4%嘅回贈,可以話係全城至高!基本上你每簽一次中銀都蝕緊錢!

SOGO VS

中銀崇光Visa Signature卡賣點
  • 每月首$2,000 Apple Pay/Google Pay/Samsung Pay簽賬額外5%回贈
  • SOGO指定商戶簽賬5%回贈,SOGO超市逢週一95折
  • 日本SOGO及日本西武百貨優惠
  • 永久免年費

呢張卡嘅主打賣點,就係Apple Pay/Google Pay/Samsung Pay簽賬有成額外5%現金回贈*!除咗平時出街喺鋪頭拍手機碌卡買嘢,連Apple Pay in-app purchase嗰啲都有呀!計埋本身基本積分,就係5.4%回贈即係只要你入咗張卡落手機Wallet度,凡係收contactless嘅鋪頭都食到5.4%,包括超市、便利店、衫鋪鞋鋪、中低價餐廳呢啲鋪頭全部通殺,真係抵到爛!呢個優惠每月嘅回贈上限係$100,換言之簽$2,000就會爆;額外5%現金回贈會喺下個月入賬,而基本積分回贈就要自己上網上理財換返現金回贈或者用BoC Pay俾錢嘅時候即時扣減簽賬。

另外,呢張卡叫得SOGO VS卡,想當然係SOGO買嘢係會有折扣啦,而呢張卡就做到5%回贈*,但都唔係適用喺所有商戶,詳細都要睇返張商戶名單。除咗香港SOGO之外,呢張卡甚至連去日本SOGO同日本西武百貨都有優惠㗎!

迎新禮遇
  • 迎新二揀一:
    • 新客2個月內簽$5,000送$500 SOGO電子現金券
    • 新客首4個月手機簽賬額外10%回贈,上限$300(每階段$100)
  • 新客網上申請額外回$100

中銀嘅迎新,就例牌無話好吸引。中銀SOGO卡依期個迎新做到2021年12月31日,只限中銀信用卡全新客戶(過往一年無中銀信用卡),有兩個選擇。第一個係出卡後2個月內碌$5,000零售簽賬送$500 SOGO電子現金券,但申請人要提供SOGO Rewards會員賬戶以供存入電子現金券。第二個係出卡首4個月手機簽賬(Apple Pay/Google Pay/Samsung Pay)額外10%回贈,每階段上限回$100總共回$300(見下圖例子),即係每階段簽$1,000就打爆。最後,只要係網上申請張信用卡,一律再回多$100。有關SOGO電子現金券會喺完成簽賬要求後6星期內誌入,而手機簽賬回贈就會喺開卡後22星期內入賬。

中銀崇光Visa Signature卡:立即申請

伏位
  • 基本回贈率得0.4%好低
  • 手機支付額外5%回贈每個月簽$2,000就爆
  • 上網喺海外商戶簽港幣有1% DCC手續費

呢張卡其實無咩伏位,定位非常清晰,就係攞嚟拍手機俾錢同去Sogo買嘢。唯一嘅缺點,就係每個月$2,000嘅限額唔係太夠喉。如果玩完呢$2,000 quota,就可以轉用i-Card賺4%(如果用Apple Pay仲可以玩埋大灣區鑽石4.4%)。另外,如果上網喺海外商戶簽港幣,好似App Store/Netflix/Spotify/Airbnb咁,呢張卡係會收返0.8%手續費,詳情可以睇返呢篇海外簽賬DCC手續費陷阱詳解

中銀崇光Visa Signature卡小檔案
  • Apple / Google / Samsung Pay簽賬:5.4%回贈(每月首$2,000)
  • SOGO指定商戶簽賬:5%回贈
  • SOGO超市逢週一95折
  • 其他簽賬:$1=1分,相等於0.4%回贈
  • 八達通自動增值:$1=1分,相等於0.4%回贈
  • 網上理財繳費:$1=1分,相等於0.4%回贈(每月首$10,000)
  • 永久免年費
  • 年薪要求:$300,000

中銀崇光Visa Signature卡:立即申請

*受條款及細則約束:SOGO優惠T&C手機支付回贈T&C迎新T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

12 則留言

  1. Sogo指定商戶用Apple Pay係咪5.4+5=10.4%

  2. 請問 用apple pay 增值 手機內的八達通 是否沒有5%回贈?

  3. 手機支付5%回贈每個月簽$2,000
    是以積分出嗎? 要幾耐先到帳?

  4. 咁我去 smt 試試拍卡交費先

  5. 呢張用 alipayhk或手機拍卡交費食唔食到5%?

留言(你的電郵不會被公開)