Citi HKTVmall信用卡攻略 – 新客HKTVmall簽賬高達9折、迎新大抽獎高達$30,000禮券!

#Citibank信用卡 #花旗信用卡 #Citi HKTVMall 9折 #Citi HKTVMall 9折 #HKTVMall優惠折扣 #八達通現金回贈 #必食信用卡迎新 #信用卡超市回贈 #信用卡網購回贈 #零成本食迎新 #0成本食迎新 #Citi信用卡好唔好 #Citi HKTVmall年費豁免 #Citi HKTVmall電子錢包 #Citi HKTVmall Payme #Citi HKTVmall微信支付WeChat Pay

新客經本網申請指定東亞信用卡,毋須簽賬額外賺$1,200,夾埋迎新賺高達$1,950!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請Citi Cash Back,額外回$500,夾埋迎新無成本賺$1,400!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開Citi東亞大新建行ZAliviWeLab戶口全部有現金獎賞!

(最後更新:2021年6月)

Citibank呢張舊年出嘅HKTVmall卡,主打逢星期四HKTVmall買嘢有95折(但其實本身VIP客戶用其他卡都有)、逢星期一VIP客戶門市買嘢有9折。另一個賣點係逢星期一簽賬有5X積分,所以用嚟玩電子錢包會係幾抵。今期呢張卡嘅迎新,新客可享HKTVmall簽賬額外5%回贈(即係逢星期四VIP客戶接近9折),更可抽獎贏高達$30,000 HKTVmall禮券,而且保證最少抽到$800禮券!今期經本網申請,仲再額外送多$100禮券!不過開呢張卡之前,小編會建議開咗張Citi Cash Back食嗰張卡個迎新先,因為個迎新會再抵啲!

H88P_KwQsMYFcBeXSriC-vRFOdxHcIN6WHLLnlhyy54

Citi HKTVmall信用卡賣點
  • 逢星期四HKTVmall簽賬滿$500可享95折(超市信用卡攻略
  • 逢星期一HKTVmall外其他簽賬5X積分,相等於1.67%現金回贈

呢張卡逢星期四喺HKTVmall簽賬滿$500可享95折,埋單嘅時候要輸入返「citihk95」優惠碼。另外張卡每逢星期一喺HKTVmall之外嘅簽賬會有5X積分(每月結單周期首$10,000簽賬),計返都有1.67%回贈,仲要係連四大電子錢包(Payme/支付寶/微信支付/O!ePay)都有呀!以玩Payme增值嚟講,如果星期一簽嘅話呢張卡係最高回贈嘅信用卡

玩法

呢張卡係一張積分卡,平時簽賬(包括HKTVmall簽賬)都係$1=1分,逢星期一HKTVmall以外簽賬會有5X積分(每月結單周期首$10,000簽賬),即係簽$1=5分。

呢張HKTVmall卡以普通Citi積分抵銷HKTVmall簽賬,每25,000分=$100,即係0.4%回贈,計星期一就2%回贈;而如果係用嚟抵銷其他簽賬,就要每30,000分先=$100,即係0.33%回贈,計星期一就1.67%回贈。呢篇文嘅回贈率會以普通簽賬每30,000分=$100計算。

迎新禮遇

  • 新客3個月內簽夠$8,000,即可參加迎新大抽獎,頭獎送$30,000 HKTVmall禮券,最少亦保證有$800
  • 新客HKTVmall簽賬可享額外5%現金回贈
  • 可以用電子錢包無成本食迎新

本網額外迎新

  • 經本網下面橙色字指定連結成功申請,無需簽賬額外有$100 HKTVmall禮券*
  • 合共零成本賺最少$900禮券

今期銀行迎新做到2021年6月30日,全新Citi信用卡客戶(過去12個月未持有Citi信用卡)喺發卡後兩個月碌滿$8,000合資格簽賬,即可參加迎新大抽獎,頭獎送$30,000 HKTVmall禮券,最少亦保證有$800禮券!而Citi嘅迎新,係四大電子錢包(Payme/支付寶/微信支付/O!ePay)嘅簽賬全部都計,所以零成本就食到迎新!上述大抽獎將會喺2021年12月舉行。不過開呢張卡之前,其實會建議開咗張Citi Cash Back食嗰張卡個迎新先,因為個迎新會再抵啲!

除咗送禮券之外,全新Citi信用卡客戶申請HKTVmall信用卡,即日起至2021年12月31日仲可享HKTVmall簽賬額外5%現金回贈,夾埋星期四95折優惠就接近9折!優惠下每個月額外回贈上限為$300,即係簽$6,000打爆。

而今期經本網申請嘅額外回贈,就做到2021年6月30日。全新Citi信用卡客戶經本網下面橙色字指定連結申請Citi HKTVmall信用卡,並喺申請後14日內填寫電郵內嘅換領表格(留意宣傳/垃圾郵件)無需簽賬額外有$100 HKTVmall禮券。由於核對申請需時,有關回贈/禮券大概會喺4個月內發出。

電子錢包零成本食迎新示範
假設1月15號批卡,1月20號Payme增值$1,000、支付寶同微信支付各轉賬$1,000俾朋友、2月1號同3月1號再重覆,夾埋60日內已經簽過$8,000成功食迎新。或者再簡單啲,直接玩O!ePay自動增值$500 16次就搞掂迎新,然後可以分3個月轉返筆數入銀行戶口。

Citi HKTVmall信用卡:立即申請
(申請後14日內要填返email入面份換領表格呀!)

伏位
  • 星期四HKTVmall 95折VIP會員都有
  • 基本回贈率0.33%好低
  • 上網喺海外商戶簽港幣無回贈

正如上文所講,星期四HKTVmall 95折優惠其實本身HKTVmall VIP會員就已經有,所以除非係新客可以食埋迎新額外5%回贈,如果唔係就無話好實用。另外,如果上網喺海外商戶簽港幣,好似App Store/Netflix/Spotify/Airbnb咁,呢張卡係無回贈,詳情可以睇返呢篇海外簽賬DCC手續費陷阱詳解

FAQ

呢張卡首年免年費,之後年費係$1,800,但其實一年後見到月結單收年費可以打電話waive。如果waive唔到,只要即刻cut卡就唔使交,而一年後cut卡亦唔會有任何罰則。所以大家可以放心開卡賺迎新!

係咪要新客戶先有迎新同額外獎賞?點先算係新客戶?

今次Citi迎新同經本網申請額外獎賞都只限遞交申請日之前12個月內並無持有Citi信用卡之全新Citi信用卡客戶,即係12個月內持有過任何一張Citi信用卡都唔合資格。如果只係持有銀行戶口,都可以食到信用卡迎新同額外獎賞。

點樣攞經本網申請嘅額外獎賞禮品?幾時先會收到?

只要經本網指定連結申請有關信用卡,並喺申請後14日內填寫電郵內之換領表格(留意宣傳/垃圾郵件),就合資格領取MoneyHero嘅額外獎賞。喺同有關金融機構核實資料,確認信用卡為經本網申請之後,就會收到由MoneyHero發出嘅換領電郵(留意有無去咗宣傳/垃圾郵件),成個過程大概需時4個月。為確保你賺到經本網申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。如對額外獎賞有任何查詢或未有收到換領表格電郵,請電郵至[email protected]com.hk

迎新合資格簽賬計啲咩?Payme計唔計?

Citi信用卡迎新最正就係連電子錢包都計,包括Payme/支付寶/微信支付/O!ePay簽賬都全部計晒,所以零成本玩電子錢包就已經可以簽完個迎新參考返T&C原文:簽賬條件之計算包括基本卡及附屬卡(如適用)之所有已誌賬的簽賬及免息分期的每月供款。非認可簽賬包括(但不限於) 透過快速支付系統 (「轉數快」)進行之交易、旅行支票之金額、現金透支、信用卡結餘轉賬之金額、折現計劃之金額、賬單「分期更好使」計劃及簽賬「分期更好使」計劃、「Quick Cash」套現分期計劃之金額、繳付予稅務局之稅項、以網上銀行或網上支付系統繳費或繳交公共事務費用/保險費用、以「Citi PayAll服務」所繳交之費用、繳交基金之供款、銀行手續費、賭場交易、未誌賬/取消/退款的交易及其他未經許可或有舞弊/欺詐成份之簽賬。

Citi HKTVmall信用卡:立即申請
(申請後14日內要填返email入面份換領表格呀!)

Citi HKTVmall信用卡小檔案

以下全個表嘅回贈,都係星期一有5倍積分,相等於1.67%回贈(每月結單周期首$10,000)!

  • 本地簽賬:$1=1分,相等於約0.33%回贈
  • 外幣簽賬:$1=1分,相等於約0.33%回贈(1.95%手續費)
  • 八達通自動增值:$1=1分,相等於約0.33%回贈
  • Payme/支付寶/微信支付:$1=1分,相等於約0.33%回贈
  • 網上理財繳費:無回贈
  • 年費:$1,800(首年免年費,之後打電話waive
  • 年薪要求:$120,000

受條款及細則約束:HKTVmall優惠T&C迎新T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

9 則留言

  1. 唔好意思我唔係好明,如果我星期一用payme 增值1000,咁係咪有5000分?而嗰5000分可以·點用或者點樣轉返做回贈?

  2. 想問citibank查詢電話,無真人接聽,如何申請waive年費。

  3. 呢張hktvmall citibank credit card 聽人講係七月試過用payme登記, 但發現payme登記唔到呢張卡, 網上有幾個人都咁講, 究竟用唔用到payme?

  4. Hello版主,我想問如果申請左張HKTVmall卡,首年免年費,但第二年要1800蚊,我想知12個月內我可以唔可以cut卡? cut卡洗唔洗比翻D積分佢或者俾翻手續費行政費果D? Thanks

留言(你的電郵不會被公開)