[虛擬銀行] 港產WeLab匯立銀行攻略 – Debit Card迎新8%餐飲回贈!

#虛擬銀行 #WeLab Bank #匯立銀行 #無卡號Debit Card #虛擬Debit Card #低門檻定期存款

想出iPhone 12?,即睇iPhone 12出機攻略,食信用卡迎新最平$4,600就出到機!

經本網申請渣打/花旗/建行出糧戶口,SI自製出糧勁賺高達$16,500!

經本網申請Citi Cash Back,迎新額外回$200,零成本賺$1,100!

經本網申請AE Blue Cash,迎新額外回$200,零成本賺$1,172+戲飛!

想開虛擬銀行戶口又唔知揀邊間好?即睇虛擬銀行全攻略

(最後更新:2020年10月)

今次同大家介紹下呢間港產嘅虛擬銀行,WeLab Bank匯立銀行。WeLab Bank係全港第三間虛擬銀行,亦係首批八間虛擬銀行入面唯一嘅港產銀行,由FinTech公司WeLab開立(即係搵林明禎拍廣告間WeLend),投資者包括李嘉誠旗下Tom集團、阿里巴巴、馬來西亞主權基金等等。WeLab Bank嘅一大賣點係有張無卡號設計嘅Debit Card、迎新期有1%簽賬回贈,餐飲簽賬仲有成8%回贈

虛擬銀行

咁究竟咩係虛擬銀行?其實呢樣嘢已經喺外國流行咗好耐,簡單嚟講就係無分行,靠e-Banking/App可以做晒所有操作(包括開戶)嘅銀行,你可以當係高級版嘅Payme。由於無分行嘅關係,虛擬銀行提供嘅服務亦都比較簡單,好多時都係得存款、借錢呢啲簡單服務,部份亦會做埋Debit Card同保險。呢啲虛擬銀行一般存款利息都較高,亦都無最低結餘。而香港嘅虛擬銀行,係全部都領有金管局牌照,同埋有政府50萬存款保障,所以亦無需要擔心有咩風險。

開戶步驟

話明係虛擬銀行,自然開戶步驟都係好簡單!只需要down返佢個App(An | iOS),影低身份證同自拍,填好資料之後好快就開到戶口!開完戶口login返,就可以係App入面申請埋張實體卡。詳細步驟可以睇返下面條片。除咗FPS過數入錢之外,個App仲會俾你直接綁定一個傳統銀行戶口,等你可以喺App入面直接過數。

WeLab :Android開戶iOS開戶官網

 

WeLab Debit Card

香港一向都無咩銀行搞Debit Card,但其實呢樣嘢喺外國係好興。所謂Debit Card,就即係碌卡嘅時候會直接扣你銀行存款(類似EPS咁),而唔係當喺銀行借錢,咁就少咗卡數呢個煩惱。當你一開WeLab戶口嘅時候,佢就會跟張虛擬Debit Card俾你上網買嘢,你亦可以再喺App入面申請埋張實體卡出街用。佢張實體卡仲要係採用無卡號設計,卡號同CVV要喺個App到login咗先會見到,咁就更加安全!除咗碌卡,張卡仲可以喺銀通同Cirrus櫃員機提款添㗎!

即日起至2020年11月30日,新開立WeLab戶口嘅客戶,可以喺開戶首2個月享有Debit Card簽賬1%回贈;每個月簽賬上限係$50,000,即係最多可以賺到$500。其中嘅餐飲、外賣App等交易,更交可以賺到額外7%回贈,即係夾埋8%回贈!餐飲呢part優惠期內回贈上限係$210,即係簽$3,000就會打爆。有關回贈會喺簽賬後下個月首日起計嘅30個工作日內入賬。

GoSave定期存款

呢個GoSave定期存款嘅玩法好特別,係要同其他用戶夾份做定期,愈多人參加利息就愈高,所以門檻亦都極低,$10就可以玩到!當你參加咗GoSave之後,就要等銀行儲夠人數,或者等到咗時限,個定期存款就會正式開始。如果有需要嘅話,仲可以提前提取部份存款!大家只要login個App去返GoSave個Tab,就可以睇到嗰期GoSave嘅利率有幾多,今期就暫時做緊1.2%年息。

WeLab:Android開戶iOS開戶官網

*受條款及細則約束:1%基本回贈T&C8%飲餐回贈T&CGoSave T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)