工銀亞洲手機銀行e開戶優惠：定期存款3厘息，高達$1,075迎新

#工商亞洲e開戶優惠#工商銀行亞洲手機開戶 #ICBC e開戶 #工銀戶口迎新 #工銀定期利息

有無諗過連開銀行戶口都可以賺迎新？即睇銀行開戶迎新大全！

想轉出糧戶口賺迎新？玩SI自製出糧？即睇出糧戶口全攻略！

（最後更新：2021年7月）

今期工銀亞洲個手機開戶迎新優惠，迎新3個月定期存款可享3%年息，計返$50,000存款上限即係賺到約$375！另外成功開戶亦有$200現金回贈，再交易埋證券仲有$500佣金回贈，夾埋即係賺到高達$1,075迎新！

今次工銀開戶迎新嘅玩法如下：

• 手機開戶回贈$200
• 首次敍造3個月定期存款3厘息（上限$50,000，即約$375息）
  
• 開投資戶口單次交易達$5萬回贈$500佣金

留意返如果曾經開過工銀戶口或者信用卡，都係食唔到呢個優惠。

開戶步驟

開工銀戶口個過程好簡單，只要down返工銀亞洲個App（Android｜iOS）揀e開戶，填好資料影身份證同自拍就搞掂可以等佢批核，中間有唔明嘅話可以睇返官方教學。

工銀開戶：Android｜iOS

1. 手機e開戶現金回贈

今期優惠做到2021年12月31號，只限從未擁有過工銀戶口／信用卡嘅新客。客戶喺優惠期內成功以e開戶開立工銀戶口並啟動手機銀行，只要推廣期由香港其他銀行同名賬戶以轉數快轉入至少$1啟動賬戶，可享$200現金回贈。有關現金回贈會喺2021年11月或之前入賬（7至9月開戶）／2022年2月或之前入賬（10至12月開戶）。

2. 定期存款優惠

今期優惠做到2021年12月31號，只限從未擁有過工銀戶口／信用卡嘅新客。客戶喺優惠期內成功以e開戶開立工銀戶口並啟動手機銀行，於於開戶後3月個內及優惠期內經手機銀行「e 定存」功能敍造3個月港元定期存款，可享3%港元定期存款年利率優惠。存款金額最低$1,000，而累計上限為$50,000。簡單而言，開完戶口做晒$50,000定期，就可以賺到大概$375息。

3. 開立投資戶口優惠

今期優惠做到2021年12月31號。客戶完成e開戶開立綜合戶口及及啟動手機銀行後，再喺優惠期內透過手機銀行開立綜合投資賬戶（官方教學），並喺開立投資戶口後1個月內透過「工銀智投資」App完成單筆$50,000或以上港股證券買入交易(包括港股、認股證、牛熊證、交易所買賣基金、槓桿及反向產品）或完成單筆$50,000或以上之基金認購交易，即可享$500現金回贈。留意返證券交易係會產生佣金、手續費同印花稅等。有關現金回贈會喺2021年11月或之前入賬（7至9月開戶）／2022年2月或之前入賬（10至12月開戶）。

工銀開戶：Android｜iOS

*受條款及細則約束