#虛擬銀行 #Fusion Bank #富融銀行 #高息活期存款

想開虛擬銀行戶口又唔知揀邊間好？即睇虛擬銀行全攻略！

（最後更新：2022年12月）

優惠已完結

Fusion Bank富融銀行，由騰訊、港交所、工銀亞洲、高瓴資本同鄭志剛合資組成，係香港首批共8間虛擬銀行入面最遲正式開業嘅一間。今期喺富融銀行敍造定期存款，可以賺到高達3.3厘息！

虛擬銀行

咁究竟咩係虛擬銀行？其實呢樣嘢已經喺外國流行咗好耐，簡單嚟講就係無分行，靠一個App就可以做晒所有操作（包括開戶）嘅銀行。而香港嘅虛擬銀行，係全部都領有金管局牌照，同埋有參加存款保障計劃，存款有最高港幣50萬保障。

開戶步驟

話明係虛擬銀行，自然開戶步驟都係好簡單！只需要down返佢個App（Android | iOS），影低身份證同自拍，填好資料之後就即刻開到戶口！開完戶口，除咗FPS過數入錢之外，個App仲會俾你直接以eDDA（電子直接付款授權）綁定一個傳統銀行戶口，等你可以喺App入面直接過數。

Fusion開戶：Android｜iOS｜官網

定期存款

今期Fusion Bank嘅定期存款幾抵呀！而家做緊1個月0.1厘息、3個月4.18厘息、6個月4.5厘息、12個月4.5厘息！除咗港元定期存款之外，仲可以做到美元同人民幣定期存款呀！