集友SI出糧戶口迎新：賺高達$1,500回贈！

#集友銀行出糧戶口優惠 #集友出糧戶口迎新

想轉出糧戶口賺迎新？玩SI自製出糧？即睇出糧戶口全攻略！

（最後更新：2020年10月）

今期集友做緊個出糧戶口迎新，用佢嚟出糧就可以賺到現金回贈，仲要連SI（Standing Instruction 常行指示）自製出糧戶口都計呀！即係唔使煩到公司HR，自己用第二個戶口射筆錢過集友就得！輕鬆就可以賺到成$1,500回贈！

簡單而言，視乎你本身份糧有幾多／做幾多錢SI，可以賺到以下回贈。不過既然SI都計，就緊係打爆出6萬糧賺$1,500！

• 出1萬糧賺$400／出2萬糧賺$600／出4萬糧賺$1,000／出6萬糧賺$1,500

今次介紹嘅呢個出糧優惠，只要本身無用開集友出糧就玩得，即使係現有銀行戶口客戶都無問題。而呢個出糧戶口，係一定要落分行去開；落到分行之後同職員講話要開出糧戶口玩呢個發薪服務promo就得。

集友發薪服務推廣詳情

首先同大家簡介下咩係SI（Standing Instruction 常行指示）先。簡單嚟講，SI就係喺你本身銀行戶口set個自動轉賬，然後佢每個月就會自動過數去第二個銀行戶口，即係類似自動轉賬找卡數咁。而某啲銀行（例如集友）係會將呢啲透過SI轉賬入嚟嘅錢當做出糧，咁我地就可以透過SI過數將喺另一間銀行嘅錢轉去集友，從而食到集友出糧戶口優惠。然後當你集友個戶口收到條數，你又可以將筆錢手動轉返去本身個銀行戶口，咁你只要有6萬閒錢無限loop就可以食盡呢個出糧優惠。

今期優惠做到2020年12月31日，只限過往6個月未用過集友戶口出糧嘅客戶。客戶要喺開戶6個月內最少有連續3個月存入薪金（包括SI），並一直維持出糧至現金回贈入賬嘅日子。要做SI射錢去集友，就要去返你本身用開間銀行到做；一般打電話上hotline，同CS講要做standing instruction每個月指定日子過數去第二個銀行戶口佢就識搞（例如恒生），甚至有啲銀行網上理財已經可以搞掂（例如滙豐），真係搞唔到嘅話就落分行搵櫃台職員，但部份銀行可能會收返幾十蚊手續費。留意返，SI由扣數去到第二間銀行入賬，要預返兩三個工作天，所以千祈唔好set月尾過數，如果唔係第二個月先到賬嘅話就會斷咗出糧紀錄。

唔同薪金賺到嘅回贈如下，但反正都係做SI，一般都係直接打爆6萬㗎啦。記住有關出糧／SI要做到收到回贈為止。

每月平均出糧金額	現金回贈
$60,000或以上	$1,500
$40,000 – $59,999	$1,000
$20,000 – $39,999	$600
$10,000 – $19,999	$400

視乎登記出糧服務日期，現金回贈存入日子如下：

登記發薪服務月份	發放現金獎賞日期
2020年10月	2021年5月31日或之前
2020年11月	2021年7月31日或之前
2020年12月

（條款及細則）

小結

最後recap多次信銀出糧迎新玩法：

• 出1萬糧賺$400／出2萬糧賺$600／出4萬糧賺$1,000／出6萬糧賺$1,500