#建行亞洲出糧戶口優惠 #建行亞洲SI假出糧 #建行亞洲手機開戶 #建行亞洲e賬戶服務 #建行亞洲戶口迎新

有無諗過連開銀行戶口都可以賺迎新？即睇銀行開戶迎新大全！

想轉出糧戶口賺迎新？玩SI自製出糧？即睇出糧戶口全攻略！

 

優惠已完結

 

（最後更新：2022年12月）

今期建行亞洲做緊個手機開戶+出糧戶口迎新，要求勁低超抵玩呀！首先個手機開戶（e賬戶服務）優惠，只要放低$30,000同完成簡單任務就可以賺到成$900回贈！如果放低$60,000仲可以賺到$1,200回贈！另外存款仲有高達5.5厘息！然後佢個出糧戶口優惠，最多可以賺到成$2,000，仲要連SI（Standing Instruction 常行指示）自製出糧戶口都計呀！除咗手機開戶同出糧戶口之外，仲有個綜合戶口迎新，放新資金入去擺又有現金回贈！

今期建行亞洲做緊堆優惠，其實係有少少複雜。簡單而言，視乎你有幾多閒錢，主要可以揀呢幾個choice（厭麻煩嘅話可以唔做任務嗰part）：

1. 擺3萬賺$300 + 做任務賺$600 = $900
2. 擺5萬賺$600 + 做任務賺$600 = $1,200
3. 擺5萬再用1萬玩SI出糧合共賺$950 + 做任務賺$600 = $1,550
4. 擺10萬再用1萬玩SI出糧合共賺$1,700 + 做任務賺$750 = $2,450
5. 擺50萬再用1萬玩SI出糧合共賺$2,100 + 做任務賺$750 = $2,850
6. 擺100萬再用1萬玩SI出糧合共賺$7,100 + 做任務賺$750 = $7,850
7. 擺500萬再用1萬玩SI出糧合共賺$20,600 + 做任務賺$750 = $21,350

如果你只係擁有建行信用卡而無銀行戶口，係一樣可以食晒以下全部優惠（除咗開信用卡嗰項）。

建行出糧戶口回贈詳情

	一般客戶	智選理財	貴賓理財	貴賓晉裕
最低結餘	–	$10萬	$100萬	$500萬
1. 手機開戶	放3萬: $300 / 放5萬: $600 自動轉賬任務: $300 轉數快任務: $100 開立證券戶口: $200
2. 出糧戶口*	1萬: $350	1萬: $1,000	1萬: $1,500	1萬: $2,000
3. 綜合戶口*	–	放10萬: $300 放50萬: $700	放100萬: $5,000	放500萬: $18,000
		電子賬單任務: $50 申請信用卡任務: $100
4. 增息戶口	高達4厘存款利息
總共	擺4萬: $650 擺6萬:$950 做任務: 多$600	擺11萬: $1,700 擺51萬: $2,100 做任務: 多$750	擺101萬: $7,100 做任務: 多$750	擺501萬: $20,600 做任務: 多$750
*出糧戶口、智選理財、貴賓理財、貴賓晉裕要落分行開

開戶步驟

要賺盡晒全部獎賞，同經本網推薦開戶（雖然無額外獎賞，但請多多支持本網營運），就要跟足以下步驟啦！

1. Click入指定連結登記
2. 下載CCB(HK&MO) App（Android｜iOS）
3. App入面揀「e賬戶服務」開戶，填好資料（要同網站登記資料相同）再影身份證同自拍就搞掂
4. 手機提交咗申請之後，大概等兩三個工作天就會開到個戶口
5. 如果想賺埋出糧戶口／綜合戶口優惠，就要再落分行開戶
6. 如果想賺埋高息存款優惠，就喺App入面開埋月月增息儲蓄戶口同登記優惠

但呢個App個自拍人臉驗證認真係做得麻麻地，小編都玩咗好多次，最後拍埋牆影再除埋眼鏡先過到。但留意返，手機開戶只係會開到個普通戶口，即係頂盡做埋任務都只係賺到$1,200。如果想賺埋出糧戶口回贈，就要手機開戶之後再落分行開埋出糧戶口；如果再想賺埋綜合戶口優惠，落分行嘅時候就要一次過開埋綜合戶口同股票戶口。

如果你咁黑仔點自拍都過唔到個驗證，或者已經換咗新身份證（手機開戶暫時未支援），都可以click咗下面橙色指定連結登記之後再上網預約落分行開戶／直接walk-in落分行，然後同職員講返手機開唔到戶，要求分行開返同攞返手機開戶迎新。

[為確保成功經本網推薦，請確保你無封鎖跨網站追蹤（Safari預設會封鎖，建議用Chrome）、無封鎖cookie、無用緊incognito無痕模式、已關閉AdBlock，同埋避免用公司電腦申請。Click入指定連結後，請盡快完成申請，中間盡量避免開其他網站。]

建行亞洲開戶
>>>立即申請<<<

1. e賬戶服務（手機開戶）優惠

今期迎新做到2022年12月31日，只限之前12個月未曾持有過建行銀行戶口嘅全新客戶。留意返一定要做咗1a先可以賺到1b、1c、1d獎賞。

類別	回贈
1a. 存款	放3萬: $300 / 放5萬: $600
1b. 設立自動轉賬	$300
1c. 轉數快任務	$100
1d. 開立證券戶口	$200

1a. 存款優惠

經手機App成功開立儲蓄戶口，並喺開戶月份後起計首2個曆月保持每日平均結餘，可獲以下現金回贈。有關回贈會喺2023年4月30日或之前入賬。

存款及平均結餘要求	現金獎賞
$30,000	$300
$50,000	$600

1b. 設立自動轉賬

經手機App成功開立儲蓄戶口，並於2023年2月28日或之前設立1項全新自動轉賬指示（包括但不限於繳付公共賬單、信用卡賬單或其他商戶之賬單）及限期內作出最少1次合資格自動轉賬交易，可享$300現金回贈。呢項自動轉賬指示須要維持至發放回贈為止，而有關回贈會喺2023年4月30日或之前入賬。呢項自動轉賬可以唔經銀行直接向商戶申請，或者落分行填form做。

1c. 轉數快任務

經手機App成功開立儲蓄戶口，並於2023年1月31日或之前首次成功完成轉數快賬戶綁定，及設定建行為預設收款銀行直至2023年4月30日，可享$50現金回贈。完成上述後，再成功於2023年1月31日或之前以手機號碼/電郵地址/FPS識別碼完成3宗$100或以上之轉賬，可再享$50現金回贈。有關回贈會喺2023年4月30日或之前入賬。

1d. 開立證券戶口

經手機App成功開立儲蓄戶口，並於2023年1月31日或之前成功開立全新證券現金交易戶口，並維持至2023年4月30日，可享$200現金回贈。有關回贈會喺2023年4月30日或之前入賬。

（條款及細則）

2. 出糧增值服務

首先同大家簡介下咩係SI（Standing Instruction 常行指示）先。簡單嚟講，SI就係喺你本身銀行戶口set個自動轉賬，然後佢每個月就會自動過數去第二個銀行戶口，即係類似自動轉賬找卡數咁。而某啲銀行（例如建行）係會將呢啲透過SI轉賬入嚟嘅錢當做出糧，咁我地就可以透過SI過數將喺另一間銀行嘅錢轉去建行，從而食到建行出糧戶口優惠。然後當你建行個戶口收到條數，你又可以將筆錢手動轉返去本身個銀行戶口，咁你只要有1萬閒錢無限loop就可以食盡呢個出糧優惠。

要做SI射錢去建行，就要去返你本身用開間銀行到做；一般打電話上hotline，同CS講要做standing instruction每個月指定日子過數去第二個銀行戶口佢就識搞（例如恒生），甚至有啲銀行網上理財已經可以搞掂（例如滙豐），真係搞唔到嘅話就落分行搵櫃台職員，但部份銀行可能會收返幾十蚊手續費。留意返，SI由扣數去到第二間銀行入賬，要預返兩三個工作天，所以千祈唔好set月尾過數，如果唔係第二個月先到賬嘅話就會斷咗出糧紀錄。

仲有樣嘢留意返，就係建行個銀行戶口號碼係好吊詭，你登入網上理財應該會見到佢係000開頭再加9個位數字，如果你直接攞呢個號碼去做SI係好大可能會轉賬唔到。小編打過去問CS，話可以將000開頭嘅呢個分行編號轉做631，就可以成功過數，而小編亦都實測過係work。

今期優惠做到2022年12月31日，適用於過往12個月內未曾使用「出糧增值」服務之客戶。要玩呢個出糧戶口推廣，首先就一定要落分行登記出糧戶口，然後只要戶口每個月有最少$10,000嘅月薪（包括SI）存入，喺開戶曆月後3個曆月內首次存入薪金，一直維持月薪發放同戶口等級直至發放回贈嘅時候，就可以成功賺到現金獎賞。有關回贈會分為兩階段發放，第一階段會喺2023年6月30日或之前入賬，第二階段就係2023年12月31日或之前入賬。

客戶類別	階段1獎賞 （維持至2023年6月）	階段2獎賞 （維持至2023年12月）	總現金獎賞
貴賓晉裕	$1,000	$1,200	$2,000
貴賓理財	$600	$900	$1,500
智選理財	$300	$500	$1,000
一般客戶	$150	$200	$350

（條款及細則）

建行亞洲開戶
>>>立即申請<<<

3. 綜合理財服務迎新

呢part嘅綜合理財服務迎新，做到2022年12月31日，只適用於貴賓晉裕／貴賓理財／智選理財戶口。雖然佢條款寫話只限之前12個未持有過建行銀行戶口嘅全新客戶，但如果係一玩完手機開戶即刻再落分行開綜合理財，係兩邊迎新都可以食晒。

3a. 合併結餘

新客戶開戶之後，完成以下要求，即可獲得下列表格相應嘅獎賞。有關回贈會喺2023年7月31日或之前入賬。

1. 2個月內成功開立並登入網上銀行／申請銀聯提款卡並成功使用該卡一次
2. 2個月內成功開立證券買賣或外匯掛鈎存款或基金投資服務戶口（股票戶口唔用無收費）
3. 戶口開立當月後6個月內，每一個曆月保持不少於下列「每日平均合併結餘」（包括存款、港股、投資、保險等）

	每日平均合併結餘	現金獎賞
貴賓晉裕	$5,000,000或以上	$18,000
貴賓理財	$1,000,000或以上	$5,000
智選理財	$500,000或以上	$700
	$100,000或以上	$300

3b. 電子賬單／結單

成功開立綜合戶口，並於推廣期內成功透過網上銀行成功設立一項新電子賬單／結單指示，可獲享$50現金獎賞。電子賬單／結單指示須要喺回贈當日維持有效，而有關回贈會喺2023年7月31日或之前入賬。

3c. 申請信用卡

成功開立綜合戶口，並於推廣期內成功申請建行信用卡主卡及交齊新卡申請所需文件，可享$100現金獎賞。優惠不適用於之前6個月內曾持有建行信用卡嘅客戶，而信用卡須要喺回贈當日維持有效，而有關回贈會喺2023年7月31日或之前入賬。

（條款及細則）

4. 月月增息儲蓄戶口

今期優惠做到2022年12月31日。成功開戶後，透過建行App開立「月月增息儲蓄戶口」及登記月月增息優惠（開立及登記教學），並於登記後14日內存入最少$50,000港幣至月月增息儲蓄戶口（上限$5,000萬），可享高達5.5%儲蓄年利率：

留意返登記14日後就唔可以再入錢落月月增息儲蓄戶口。以存款$100,000計，4個月總共可以賺到約$1,330利息。

（條款及細則）