政府$5,000消費券攻略懶人包 – 揀邊種支付工具好?點買Apple iPhone 13買PS5買名牌?有無得套現?

#政府電子消費券攻略 #5000消費券 #消費券買iPhone 13 #消費券買iPad #消費券買Apple #消費券買Apple Gift Card #消費券買電腦 #消費券買電子產品 #消費券酒店Staycation #消費券四大支付工具比較 #消費券買咩好

新鮮出爐!即睇食信用卡迎新出iPhone 13攻略

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$1,100,夾埋迎新無成本賺$1,880!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

想知邊幾張卡最好用?即睇最佳現金回贈信用卡組合

信用卡交水電煤都有4%回贈!即睇信用卡繳費攻略

政府嘅$5,000消費券計劃,將會喺7月4號正式開放登記,首批登記市民將可以喺8月1號領取首期消費券。到時呢$5,000消費券可以透過八達通/Tap & Go(拍住賞)/AlipayHK(支付寶)/WeChat Pay(微信支付)其中一種支付工具領取。呢篇文就同大家解構下用邊種支付工具攞消費券最方便,同埋點樣用消費券去買電話、電子產品、名牌銀包手袋,甚至係未出嘅iPhone 13!

領取資格
  • 年滿18歲並於香港居住的香港永久性居民及新來港人士(詳情
派發詳情
  • 於7月4日至8月14日至政府網站登記,填寫個人資料及支付工具帳戶(或可書面登記)
    • 於7月17日或之前登記一般可於8月1日領取首期消費券
  • 透過八達通/Tap & Go/AlipayHK/WeChat Pay其中一種支付工具領取
  • 適用於本地零售、餐飲和服務業商戶的實體及網上店舖
  • 不適用於政府收費、公用事業/機構收費、教育開支、金融產品/服務、捐款、非本地商戶購物、P2P支付、兌換現金(詳情
  • 八達通
    • 分3期發放,首2期各$2,000(無使用期限),但要7個月內用晒先會發放第3期$1,000
    • 可以透過八達通App,或到7-11/Circle K/惠康/港鐵站領取
  • Tap & Go/AlipayHK/WeChat Pay
    • 分2期發放,第一期$2,000(有效期5個月),第二期$3,000(有效期3個月)
    • 消費券會直接存入登記戶口
四種支付工具比較

咁究竟用邊種支付工具拎消費券最方便?簡單而言,如果想做大額消費,例如換電話買電器咁,小編會建議首選用Tap & Go或者Alipay HK;而如果無咩特別嘢買,諗住日常消費用晒佢,就會建議用八達通

  • 八達通:日常消費最方便,搭車、超市、便利店全部都用得,但大額消費就好多地方唔支援
  • Tap & Go:虛擬Prepaid Card,有Mastercard同銀聯,仲可以入落Apple Pay同Google Pay,所以基本上凡係收contactless(即係有拍信用卡畀錢部機)嘅實體店鋪同所有本地網上商戶都用到,方便大額消費
  • Alipay HK:覆蓋好多唔同類形嘅商戶,大至金鋪電器鋪,小至有啲街市都會收,主要方便大額消費
  • WeChat Pay HK:同Alipay相近,但覆蓋商戶較少,尤其係唔支援Apple Store同誠哥旗下嘅百佳、豐澤等
八達通 Tap & Go Alipay HK WeChat Pay
超市/藥妝/便利店
百佳
惠康
一田
DONKI
屈臣氏
萬寧
莎莎
卓悅
7-Eleven
Circle K
食肆
大快活
大家樂
KFC
麥當勞
譚仔/三哥
唐記包點
茶餐廳 部份
麵包/西餅店 部份 部份 部份
酒樓 部份 部份 部份 部份
電話/電器
Apple Store
豐澤
百老匯 將接受
衛訊 將接受
友和
服飾
UNIQLO
GU
ZARA
傢俬
IKEA
實惠
珠寶
周生生
周大福
六福珠寶
旅遊
Klook
KKday
酒店 Staycation 部份 部份
網購
本地網店 部份 部份
海外網店 ❌(非消費券使用範圍)
八達通

發放時間表

(只要7個月內用晒首2期$4,000,就可以攞埋第3期嘅$1,000)

優點

  • 適合日常消費,唔使特別另外消費就變相Cash Out到出嚟
  • 係人都有,唔使特別去down App/開戶口
  • 以八達通領取消費券無使用期限

缺點

  • 大額消費比較難用

八達通暫時係小編用嚟領取消費券嘅首選!因為用八達通領取嘅消費券係無使用期限,基本上同入Cash落去無咩分別;而只要由發放第一期起計7個月內用晒頭2期嘅$4,000消費券,就可以再攞埋剩低同樣無使用期限嘅$1,000消費券!換句話講,就即係有7個月時間慢慢嘟八達通用晒$4,000佢,仲要係連搭車都計(仲有得兩賺埋交通津貼),所以常消費已經可以輕鬆燒晒,變相就慳返自己錢cash out咗出嚟!

要小編個人為例:平時日日搭車返工、早餐買個包、去food court食lunch、再加埋去超市執下雜貨,每個月起碼嘟$1,500八達通,即係3個月左右已經可以用晒啲消費券!咁樣使呢$5,000消費券嘅客觀效果,就係$1額外消費都唔使做,變相慳咗$5,000,即係等同cash out晒$5,000出嚟!

留意返,官方最前已經宣佈咗,當八達通入面嘅消費券未用晒嘅時候,轉錢入O!ePay嘅功能係會被停用,所以係無可能轉入O!ePay套現。而財爺之前就確認,八達通第3期嘅$1,000消費券,將不設期限及使用限制,甚至可以退卡套現,唔會刻意規管。

而八達通亦都為消費券出咗個優惠,首200萬個成功登記以八達通卡領取消費券,並已將該八達通卡加入八達通App嘅客戶,可享額外$18增值額!另外如果喺2021年8月至9月期間單月累積$200或以上零售消費滿$1,000,可享$50增值額,夾埋就最多可以賺多$118!最後,八達通亦推出咗一系列商戶同商場優惠,詳細可以參考官網

Tap & Go/AlipayHK/WeChat Pay

發放時間表

(以左欄計,即係10月1日至12月31日期間可以一炮過用晒$5,000)

Tap & Go(拍住賞)

優點

  • 幾乎所有收contactless嘅鋪頭都用到
  • 幾乎所有收信用卡嘅本地商戶網站都用到
  • 買電話、電腦、電器、衫褲鞋、手袋、酒店Staycation等多數啱用

缺點

  • 要專登下載App開戶口(開戶教學
  • 消費券只會以虛擬卡形式發放,所以無contactless嘅實體店鋪用唔到
  • 實體店鋪contactless交易可能有上限

Tap & Go係香港電訊集團旗下嘅Prepaid Card,功能類似扣賬卡Debit Card咁(咩係Debit Card?)。Tap & Go嘅消費券將會以MasterCard同銀聯虛擬卡形式發放,所以基本上所有收信用卡嘅本地商戶網站都用到;而只要加咗張虛擬卡入Apple Pay或者Google Pay之後,就幾乎凡係收contactless嘅鋪頭都用到,所以喺各類商戶做大額消費都好方便。無論買電話、電腦、電器、衫褲鞋、手袋、酒店Staycation等,只要間鋪收contactless或者本地網店收卡就用到!所以如果係想大額消費,小編會揀Tap & Go做首選!

Contactless 標誌

留意返,由於消費券只可以存入虛擬卡,所以唔收contactless得傳統卡機嘅鋪頭/酒店係用唔到。另外,為方便市民單一交易購買$5,000以上嘅嘢,Tap & Go遲啲將會推出一次性增值功能,等用戶可以為消費券虛擬卡增值一次,最多入$3,000,咁就可以最多一次過買$8,000嘅嘢。但一般相信商戶為咗吸引客戶,應該都會容許分單畀錢,所以未必真係需要咁做。

而如果用嚟去Apple Store買iPhone嘅話,據悉Apple Store門市依家喺容許分單付款,用完消費券之後尾數可以用現金/信用卡畀。而如果想上Apple Online Store預訂iPhone 13嘅話,就可以用消費券上網買定$5,000 Apple Store Gift Card,到時買嘢就可以用完Gift Card再用信用卡找尾數。

留意Apple Gift Card只可以喺Apple Online Store購買(留意唔好買錯便利店嗰隻iTunes卡),而Apple Online Store係唔收Alipay同WeChat Pay,所以唯一方法買到Apple Gift Card係得Tap & Go。經過實測,只要買Apple Gift Card嘅時候直接打返Tap & Go卡number(唔好用Apple Pay),就可以成功購買Apple Gift Card!

而Tap & Go亦已經為消費券推咗一系列優惠,當中透過雲閃付App使用Tap & Go消費券,可獲得額外5%獎賞,即係如果用雲閃付使晒$5,000消費券就可以賺多$250!另外亦仲有一系列商戶同商場優惠,詳細可以參考官網

Alipay HK(支付寶香港)

優點

  • 可於超過10萬個商戶付款
  • 高級認證賬戶餘額付款無消費上限

缺點

Alipay HK其實都可以用嚟超過10萬個商戶付款,當中包括各大超市、連鎖電器電話鋪、連鎖食肆、服飾店、大型網站,以至於好多其他零售商戶。所以如果係諗住換電話、買電器呢啲喺連鎖店鋪一炮過嘅大額消費,Alipay HK亦都係一個好選擇!值得一提嘅係,除咗大額消費,Alipay HK仲可以用嚟搭車,甚至係去某啲街市買餸,所以同Tap & Go比較亦係各有千秋。

留意返,雖然Alipay HK可以P2P轉賬,亦可以交水電煤費用等(信用卡交水電煤仲有4%回贈),但官方已經宣佈消費券會分開處理,無得用嚟轉賬同交公用事業費用。至於可唔可以用嚟交其他電話費、上網費等費用,就要等稍候公佈。

如果要單一交易買$5,000以上嘅嘢,據Alipay HK客服答覆小編,只要Alipay入面綁咗信用卡,Alipay係識自動扣晒消費券再用信用卡找埋尾數,所以大額消費非常方便。而Alipay HK亦都為消費券出咗優惠,只要入返App早鳥訂閱消費券資訊,並以Alipay HK領取消費券,即可預留$30早鳥獎賞,詳情可以參閱官網,其他商戶優惠亦可以參閱官網

WeChat Pay HK(微信支付香港)

優點

  • 可於超過9萬個商戶付款

缺點

WeChat Pay HK其實同Alipay HK分別唔大,覆蓋嘅商戶大概9萬間,比Alipay HK略少。但由於WeChat Pay基本上喺誠哥系嘅鋪頭都係用唔到(例如百佳、豐澤),仲要連Apple Store都無份,所以相較之下比Alipay HK蝕章,所以小編會認為係無咁方便嘅選擇。

WeChat Pay就住消費券就搞咗個「日日有千抽」每日都有得抽獎,另外亦當然有唔少商戶優惠,詳情可以參考官網

FAQ
有無可能套現?

首先小篇都要戴返個頭盔先,政府已經講明呢$5,000消費券係唔可以套現,大家千祈唔好以身試法。但正如上文所講,如果用返呢$5,000消費券嚟做返日常必需消費,其實變相已經係Cash Out咗呢$5,000出嚟。如果大家講限期內用唔晒$5,000,亦可以攞去買超市現金券同Apple Gift Card。

點樣可以一炮過用晒$5,000消費券?

睇返上文Tap & Go、Alipay HK同WeChat Pay嘅派發時間表,首批登記用戶將可以喺2021年10月1日至12月31日期間一炮過用晒$5,000消費券,而第二批登記用戶就可以喺2021年11月1日至2022年1月31日期間一炮過用晒$5,000消費券。所以大家只要喺上述時間去返鋪頭買嘢,就可以一炮過用晒$5,000消費券。如果件貨嘅價值超過$5,000,估計到時商戶為咗吸引客人用消費券,應該都會容許分單付款。

點樣可以用$5,000消費券買iPhone 13?

睇返上文Tap & Go、Alipay HK同WeChat Pay嘅派發時間表,首批登記用戶將可以喺2021年10月1日至12月31日期間一炮過用晒$5,000消費券,而第二批登記用戶就可以喺2021年11月1日至2022年1月31日期間一炮過用晒$5,000消費券。參考返過往iPhone推出嘅時間,一般新一代iPhone會喺每年9月中至11月上市,所以Tap & Go同Alipay HK首批登記消費券嘅用戶應該可以食正個時間10月喺Apple Store出機

但留意返,iPhone新出要搶機嘅時候一般係要喺Apple Online Store訂,而無得喺Apple Store門市買,所以要搶iPhone 13嘅話會建議用Tap & Go。到時只要用Tap & Go上網買定$5,000 Apple Store Gift Card(留意唔好買錯便利店嗰隻iTunes卡),訂iPhone嘅時候就可以用Gift Card畀$5,000再碌信用卡找埋尾數。(信用卡迎新出iPhone攻略

點樣可以用消費券買PS5、名牌銀包手袋?

正如上文所述,如果用Tap & Go攞消費券,基本上所有收信用卡嘅本地網店同收contactless嘅實體店鋪都可以用到。無論係上Sony官網或者去電器鋪買PS5(當然前提係要有貨),定係上名牌官網或者實體鋪買銀包手袋(但網站要係本地商業登記),以小編所知除咗PlayStation藍店之外幾乎全部都會收卡,所以用Tap & Go多數都可以搞掂。但如果件貨係貴過$5,000,就可能要分單付款。(信用卡迎新出PS5攻略

 

政府消費券網站

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

16 則留言

  1. 不是$3000!

    是否能在「拍住賞」消費券內充值? 金額有否設上限,下限及次數限制?
    為方便「拍住賞」用户能使用所有消費券計劃餘額,一次性充值功能會在第二期消費券計劃發放後開放。用户只能充值一次,金額最多港幣五百元。例如你只充值了一百元,但基於次數限制,你不能再次充值。

    • Update咗做$3000啦

      是否能在「拍住賞」消費券內充值?金額有否設上限,下限及次數限制?
      為方便「拍住賞」用户能使用所有消費券計劃餘額,一次性充值功能會在第二期消費券計劃發放後開放。用户只能充值一次,金額最多港幣三千元。例如你只充值了一百元,但基於次數限制,你不能再次充值。

  2. 除了Apple有 Gift Card賣, 还有其它商店的Gift card 網上賣嗎 ,会有时間限制嗎 ?

    • Apple Gift Card無時間限制,或者可以網上買hktvmall coupon,亦可以去百佳惠康門市買coupon,應該都會收消費券

  3. 如果一家人有消費券
    想出iphone
    可唔可一齊買apple gift card,之後等新iphone買,之後先兌換🤣

  4. 支付寶要高級認證先可以用消費卷呀!無高級認證可唔可以呢?

  5. 用落淘寶得唔得

  6. 用八達通買百佳/惠康禮券得唔得?

  7. 用 tapngo 買唔到 apple gift card,用 alipayhk 又買到無呢?

留言(你的電郵不會被公開)