[2026信用卡交大學學費攻略] 交學費賺高達2.4%回贈！

#2021年信用卡交大學大專學費回贈 #信用卡交學費優惠 #信用卡交港大、中大、科大、城大、理大、浸大、教大、嶺大、公大學費 #信用卡交Master碩士學費

啱啱入U開咩卡好？即睇學生必備信用卡組合！

（最後更新：2026年1月）

讀緊大學嘅同學仔，每年都要大拿拿交成$42,100學費，嚟緊仲話要加價！咁大筆開支，其實可以乘機食返筆現金回贈！以下呢篇交學費攻略，就會教大家活用各種信用卡優惠，可以賺到高達2.4%回贈！

信用卡交學費賺高回贈嘅方法主要有以下2種：

• 滙豐學生卡：網上理財繳交學費2.4%回贈（每學期首$8,334，上限回贈$200）
• 恒生大專聯營卡：網上理財繳交學費2.4%回贈（每學期首$8,334，上限回贈$200）
  • 只限中大、城大、浸大、恒大、CUSCS學生

心水清嘅同學仔應該會發覺，上述滙豐同恒生交學費2.4%回贈嘅優惠，個回贈上限其實係唔夠交全個學期嘅學費，即係爆咗上限之後嘅餘額就無回贈！所以如果將學費分一半，用晒2張卡交嘅，就會再著數好多！

滙豐滙財金卡 – 學生卡

滙豐滙財金卡 – 學生卡，一路都長做緊網上理財繳付指定學院^學費有2.4%回贈嘅優惠！

今期推廣分為兩個階段，分別為2025年4月1日至9月30日，同埋2025年10月1日至2026年3月31日。優惠下每階段最高可享$200獎賞錢，即係每個學期交$8,334就會打爆；額外獎賞錢會分別喺2025年11月或2025年6月入賬。詳情可以睇返T&C。信用卡詳情可以睇返滙豐學生金卡攻略。

留意返滙豐學生卡一般只有大概$10,000信用額，唔夠交晒全期學費；如果想用呢張卡交多過信用額嘅話，可以預先將個差額入咗落張信用卡到先再交。

^香港中文大學、珠海學院、香港城市大學*、香港伍倫貢學院 (前香港城市大學專上學院)、香港教育大學、恆生管理學院、香港浸會大學*、香港大學、香港科技大學、嶺南大學*、香港都會大學、香港理工大學*及職業訓練局*，及由 2025 年 8 月 30 日起生效，亦包括香港知專設計學院、聖方濟各大學、香港演藝學院及東華學院。

*根據 2023 年 3 月 1 日之本行記錄，i) 香港城市大學專業進修學院之學費收款機構為香港城市大學； ii) 香港浸會大學國際學院及香港浸會大學持續教育學院之學費收款機構為香港浸會大學； iii) 嶺南大學持續進修學院之學費收款機構為嶺南大學； iv) 香港專上學院及香港理工大學專業進修學院之學費收款機構為香港理工大學； v) 香港高等教育科技學院、高峰進修學院、才晉高等教育學院及香港專業教育學院之學費收款機構為職業訓練局。

恒生大學／大專聯營信用卡

恒生大學／大專聯營信用卡，都一路都長做緊網上理財繳付指定學院^學費有2.4%回贈嘅優惠！但恒生出嘅大學／大專聯營卡，就只有中大、城大、浸大、恒大、CUSCS學生先申請到。

今期推廣分為兩個階段，分別為2026年1月1日至6月30日，同埋2026年7月1日至12月31日。優惠下每階段最高可享$200 +FUN Dollars，即係每個學期交$8,334就會打爆；額外回贈會分別喺2026年8月或2027年2月入賬。詳情可以睇返T&C。信用卡詳情可以睇返恒生大學／大專信用卡攻略。

留意返恒生學生卡一般只有大概$10,000信用額，唔夠交晒全期學費；如果想用呢張卡交多過信用額嘅話，可以預先將個差額入咗落張信用卡到先再交。

^機構組別一： 香港城市大學、香港中文大學、香港浸會大學、香港恒生大學、香港大學、香港科技大學、香港理工大學、香港都會大學、香港教育大學、嶺南大學、職業訓練局及香港珠海學院。機構組別二： 香港中文大學進修學院、香港浸會大學國際學院、香港浸會大學持續教育學院、嶺南大學持續進修學院及香港理工大學香港專上學院。

小結

最後，小編以前都做過大學生；作為過來人，苦口婆心啲都要勸一句：信用卡卡數一定要月月full pay清！