2021信用卡交稅攻略 – 全港銀行回贈優惠大全!高達2%回贈!

#滙豐HSBC信用卡交稅 #恒生Hang Seng信用卡交稅 #Citi花旗信用卡交稅 #建行CCB信用卡交稅 #中銀BOC信用卡交稅 #上商信用卡交稅 #八達通交稅 #O!ePay交稅 #交稅最高回贈

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi八達通白金卡,額外回$1,100,夾埋迎新無成本賺$2,140!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請星展Live Fresh,毋須簽賬賺額外回$500,夾埋迎新賺高達$1,500!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年1月)

又到交稅嘅季節,雖然係百般不情願亦都無得避,但如果用啱信用卡去交,就最少可以賺返啲回贈。基本上市面上所有嘅信用卡,平時就咁入網上理財交稅都係唔會有任何回贈;但每逢稅季,啲銀行都會推出啲期間限定嘅信用卡優惠,吸引大家經佢交稅。今期嘅稅單開始寄出無耐,有幾間銀行已經率先推出交稅優惠;但如果唔急嘅話,亦可以再觀望下遲啲再睇返呢個post有無更吸引嘅優惠!

O!ePay交稅大法

交稅賺得最多回贈嘅方法,係透過八達通個App(O!ePay)去交稅,但成件事就幾麻煩下,如果怕麻煩嘅話可以skip咗呢一段繼續碌落去睇銀行優惠。八達通交稅嘅原理,就係用一張做咗信用卡自動增值嘅八達通每日拍$500入八達通銀包個App入面(類似Payme增值咁),咁每次自動增值就賺到信用卡回贈,然後八達通銀包入面嘅餘額就可以攞嚟繳費交稅,詳細可以睇返呢篇O!ePay攻略。如果用安信EarnMORE做自動增值,變相就係交稅都賺緊2%回贈,或者用渣打Simply Cash都賺到1.5%回贈。呢件事最麻煩嘅係要持之以恆每日拍八拍達增值;如果無咁嘅耐性嘅話,建議都係用返下面介紹嘅銀行即食優惠。

EarnMORE今期迎新,全新安信信用卡客戶只要簽$8,500就可以賺到$670回贈,或者可以揀Dyson吸塵機/氣炸鍋,而學生就簽$2,000回$240!即日起至2021年7月31日,新客經本網以下指定連結成功申請安信EarnMORE,再喺14日內填返電郵內嘅換領表格(留意宣傳/垃圾郵件),仲無需簽賬送$300現金回贈+$250 Apple禮品卡*!夾埋就賺到成$1,220!呢張卡嘅迎新仲要係連用O!ePay玩八達通自動增值都計㗎!所以輕鬆零成本就可以簽得完!詳情可以睇返安信EarnMORE卡攻略

[為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。]

安信EarnMORE銀聯卡:立即申請
(申請後14日內要填返email入面份換領表格呀!)

滙豐銀行 HSBC

即日起至2021年2月28日,收到信件/電郵通知嘅特選客戶,憑滙豐信用卡於流動理財或網上理財交稅,只要喺優惠期內同時累積$6,000合資格簽賬,即可享0.4%現金回贈,最多回$400,即係交$100,000就爆。如果交滿$100,000稅,仲可以再額多賺多$100。詳情可參閱官網

繳稅金額 回贈
$99,999或以下 0.4%
$100,000或以上 $500
恒生銀行 Hang Seng

即日起至2021年2月20日,一經登記,憑恒生信用卡於網上理財繳交$10,000或以上稅款,可享高達$300現金回贈,計返最多有0.5%。詳情可參閱官網

繳稅金額 回贈
$10,000 – $49,999 $50 / 10,000 yuu積分
$50,000 – $199,999 $100 / 20,000 yuu積分
$200,000 – $499,999 $200 / 40,000 yuu積分
$500,000 或以上 $300 / 60,000 yuu積分

花旗銀行 Citibank

即日起至2021年2月28日,一經登記,憑Citi Mastercard(唔包Visa)於網上理財繳交$30,000或以上薪俸稅,只要喺優惠期內同時累積$1,000合資格零售簽賬,可享高達$600現金回贈。詳情可參閱官網。呢個offer計返最多都係得0.3%回贈,老實講唔係太吸引。

繳稅金額 回贈
$30,000 – $49,999 $80
$50,000 – $99,999 $150
$100,000 – $199,999 $300
$200,000 或以上 $600
中銀 BOC

即日起至2021年2月28日,憑中銀銀聯雙幣信用卡繳交$10,000或以上稅款,只要喺優惠期內同時累積$500合資格零售簽賬,即可享高達$300現金回贈,計返最多有0.5%。詳情可參閱官網

繳稅金額 回贈
$10,000 – $49,999 $50
$50,000 – $99,999 $100
$100,000 – $199,999 $200
$200,000 或以上 $300
東亞銀行 BEA

即日起至2020年12月30日,收到短選/電郵通知嘅特選客戶,憑指定東亞信用卡透過電子網絡銀行繳交$30,000或以上稅款,即可享高達$100現金回贈。呢個offer計返最多都係連0.2%回贈都無,老實講唔係太吸引。

繳稅金額 回贈
$30,000 – $59,999 $50
$60,000 或以上 $100
建行亞洲 CCB

即日起至2020年12月27日,一經登記,憑銀聯雙幣信用卡於網上銀行繳交$10,000或以上稅款,只要喺優惠期內同時作一次合資格零售簽賬,即可享高達$200現金回贈,計返最多有0.5%。詳情可參閱官網。

繳稅金額 回贈
$10,000 – $20,000 $50
$20,001 – $50,000 $100
$50,001 – $80,000 $150
$80,001 或以上 $200
上海商業銀行

即日起至2020年12月31日,一經登記,憑上商銀聯信用卡於個人網上銀行繳交稅款,只要喺優惠期內同時作$100合資格零售/網上簽賬,即可享0.4%現金回贈,最高$400,即係交$10,000就爆。另外,每交稅滿$10,000可享一次抽獎機會,獎賞高達$8,888免找數簽賬額。詳情可參閱官網

 

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

4 則留言

  1. 支付寶允許納稅。 建行(亞洲)京東信用卡會獲得4%的回扣嗎?

  2. 樓主可能睇錯,HSBC現金回贈係0.4%,而唔係0.4,係交100000稅先爆400,佢再送多100。

留言(你的電郵不會被公開)