點樣找卡數?PPS/FPS/自動轉賬交信用卡卡數教學攻略

#上網找卡數教學 #PPS找卡數教學 #轉數快找卡數 #FPS找卡數 #自動轉賬交卡數

想出iPhone 12?,即睇iPhone 12出機攻略,食信用卡迎新最平$4,600就出到機!

經本網申請渣打/花旗/建行出糧戶口,SI自製出糧勁賺高達$16,500!

經本網申請Citi Cash Back,迎新額外回$200,零成本賺$1,100!

經本網申請AE Blue Cash,迎新額外回$200,零成本賺$1,172+戲飛!

(最後更新:2020年7月)

開完第一張信用卡,好多人會問嘅第一個問題,就係點找卡數。筆者都有朋友因為唔係好識找卡數,而用死本身用開銀行戶口間銀行嘅信用卡,甚至每個月去寫支票找卡數。依篇文就同大家講下究竟有啲咩方便啲嘅找卡數方法,等大家以後唔使再寫支票或者去櫃員機入錢咁嘥時間。

PPS 繳費靈

雖然PPS呢樣嘢聽落有啲old school,但小編認為用PPS找卡數仍然係最方便最簡單嘅選擇,包括我自己大部份嘅卡數都係用PPS個App去俾錢。

想用PPS找卡數,首先就要攞張銀行提款卡去OK便利店搵部PPS機開咗戶口先(太細間嘅OK可能會無)。開完PPS戶口之後,你個銀行戶口就會連落咗落PPS到,以後你用PPS交錢佢就會直接喺你銀行戶口扣數。開PPS戶口嘅詳細教學,可以睇返下面條片或者PPS網站

開完咗PPS戶口之後,你就可以揸住張收據,上PPS個網用返個戶口號碼同密碼登入,然後改過個帳號名方便下次用。登入咗之後,你就可以入去「登記賬單」,打返銀行名同信用卡號碼,將信用卡戶口綁落PPS戶口到。咁以後你每次要再找呢張卡嘅卡數,只要上PPS個網或者用PPS個App(iOS | Android),揀返交邊張卡同打返個銀碼就搞掂啦!勁方便!詳細教學可以睇返下面或者PPS網站


雖然佢個App嘅UI好似時光倒流10年咁,但暫時最簡單又可以交到晒所有信用卡卡數嘅方法就剩係得佢!小編個人習慣,平時一收到SMS/email話有月結單之後,就會盡快入銀行個App去睇,check完無問題就即刻用PPS俾錢,咁就唔驚交漏卡數啦!記住係要交返張statement右上角個「總結欠」,要full pay找卡數呀!留意返用PPS俾錢嘅話,都要預留返一兩個工作天嘅時間先會到賬,所以千祈唔好咁炆交錢呀!

FPS 轉數快

跟住講呢一樣先進啲,就係用金管局新出個FPS轉數快,直接好似銀行戶口過數咁轉賬落信用卡戶口到找卡數。但呢個功能,暫時唔係間間銀行都做到,比較萬能同多人講嘅係恒生。如果你有恒生銀行戶口嘅話,可以入返e-Banking揀轉賬(唔係繳費呀),入面有一欄係「信用卡」,打返信用卡資料就可以用轉數快找卡數。根據網上資料,呢個方法可以找到市面上大部份卡嘅卡數,甚至可以即時到賬!

IMG_77FE6A13E63B-1

至於詳細有邊間銀行可以用到呢個功能,就要靠大家幫手試下再comment返話俾我聽啦!由於FPS找卡數仲未係好成熟,小編個人就暫時都係用返PPS啦。

自動轉賬

如果你厭每個月找卡數太麻煩,或者驚大頭蝦唔記得找卡數,咁就可以諗下用自動轉賬去交卡數。如果想用自動轉賬交卡數,咁就要傳統啲咁去信用卡間銀行攞份form,填完簽埋名再寄返銀行或者交去分行。雖然個過程係幾麻煩,但就可以一勞永逸。

呢張form通常叫做「Direct Debit Authorisation 直接付款授權書」,有啲銀行寄張信用卡俾你嘅時候會順便攝埋張form入去,如果無嘅話就要上銀行官網搵,都搵唔到就要打電話問或者去分行攞。呢張form會預先填好咗信用卡銀行個收款戶口資料,你要做嘅嘢就係填返自己銀行戶口同信用卡資料落去,揀返還100%卡數,跟住就可以寄去或者交返去信用卡間銀行。

Screenshot 2020-07-30 at 17.00.02

仲有要留心返,呢張form寄咗去銀行之後,係要process一大輪先會生效。喺佢正式生效之前,你係要繼續用返其他方法去交卡數。當佢正式生效到之後,張信用卡月結單最底會印住句嘢,話銀行會自動喺你銀行戶口扣數,咁你先真正唔使再自己去交。

小編個人習慣,就只有最常用嗰幾張卡先會用自動轉賬,其他都係用返PPS交。同埋大家千祈唔好恃住有自動轉賬就唔睇信用卡月結單,如果唔係嘅話俾銀行收咗年費甚至被人盗用都唔知就慘!

小結

睇完上述交卡數嘅教學,咁就唔使再因為唔識交卡數而唔敢開信用卡啦!即刻去睇下呢篇最佳現金回贈信用卡組合必食信用卡迎新大全啦!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)