Debit Card全攻略 – 全港扣賬卡回贈/優惠比較

 #Debit Card優惠 #扣賬卡優惠 #邊張Debit Card好用 #開邊張Debit Card好 #虛擬銀行Debit Card

（最後更新：2022年9月）

近期多間虛擬銀行陸續推出Debit Card，仲要做咗好多推廣優惠，成功造就咗一股Debit Card嘅熱潮（虛擬銀行攻略），甚至連滙豐都要出返張低門檻Debit Card參戰。以下就等小編同大家解構下邊張Debit Card最多優惠最抵開！如果唔太了解Debit Card係咩嘅話，亦都可以睇咗呢篇Debit Card詳解先。

依家市面上傳統銀行嘅Debit Card，都係以多貨幣／外幣簽賬嚟做賣點，本地簽賬優惠就欠奉，所以係有得去返旅行之前都係用途不大；而虛擬銀行中嘅Debit Card就包括ZA Card、livi Debit Mastercard、Mox Card同埋WeLab Debit Card，呢四張卡近期都非常勤力做promo，甚至仲做得狼過好多信用卡，非常有睇頭。

Debit Card優惠

依家市面上Debit Card做緊嘅優惠如下，如果要揀最抵玩嘅嚟開，小編今期最建議開會係Mox Card、ZA Card同livi Debit Mastercard、！ 但因為依家啲Debit Card優惠成日轉，反正虛擬銀行開戶都係幾分鐘嘅事，所以最好就幾間虛擬銀行嘅Debit Card都開定先！

Debit Card	優惠
Mox Card 🔥	Mox Credit迎新，簽滿$800回贈$1,000 迎新期可享首$25萬存款3.5%年息，做埋任務高達6.5%年息 Mox Credit指定商戶簽賬高達3%現金回贈、其他1%回贈 Mox Debit簽賬0.5%回贈 首$50萬活期存款0.3%年息
ZA Card 🔥	新客經本網開戶賺高達$500 ZA Card簽賬抽獎高達200%回贈 ZA Card Staycation簽賬高達11%回贈 首$30萬活期存款0.31%年息
livi Debit Mastercard 🔥	網上簽賬高達5%回贈、指定商戶高達8%回贈 二維碼小額簽賬抽獎高達100%回贈 首$5萬活期存款1%年息，次$45萬0.4%
WeLab Debit Card 🔥	WeLab Card於Deliveroo簽賬，滿$120減$30 GoSave定期存款高達2%年息
Citi Debit Card	開卡首6個月1%現金回贈、其後0.5%回贈 海外簽賬2%現金回贈 可多貨幣扣賬
HSBC Debit Card	簽賬0.4%回贈 海外簽賬免手續費 可多貨幣扣賬

Debit Card優惠詳情

Mox Bank

Mox Bank係渣打旗下嘅虛擬銀行，可以話係信心保證！今期做緊個超筍嘅迎新，即日起至2023年5月31日，只要以手機click入指定連結down返佢個App，再喺開戶時輸入「HELLOMOX23」邀請碼及同時開立Mox Credit信用卡，憑Mox Credit喺批卡後30日內簽滿$800，就可以賺到合共$1,000現金回贈！另外仲可享「迎新Bonus」，完成FPS任務後首$25萬存款可享3.5%年息，做埋Mox Bonus任務仲有高達6.5%年息！

佢張Mox Card可以用嚟㩒錢又可以用嚟碌卡，仲要當Debit Card／Credit Card用都得！其中Mox Credit一般簽賬有1%回贈，喺指定商戶簽賬仲有3%回贈（包括HKTVmall、deliveroo、CSL、網上行、Apple Services、Google Play、trip.com等）！而Mox Debit亦都有無上限0.5%回贈！

最後，Mox Bank活期存款首$50萬有0.3%年息，仲要係每日計息呀！詳細可以參考返呢篇Mox Bank攻略。

Mox開戶：App下載｜官網
（邀請碼：HELLOMOX23）

ZA Bank 眾安銀行

ZA Bank今期做緊個迎新優惠，即日起至2023年2月17日，全新客戶開戶時輸入邀請碼「O2WB25」，送一張9.9%加息券，適用於1個月定期存款嘅首$50,000，計返即係入$50,000放一個月就賺到約$400息！如果開埋投資戶口仲再賺多$50！

ZA Bank首$30萬活期存款仲有成0.31%年息！有閒錢嘅話，泊喺到最方便！另外佢張ZA Card，今期仲做緊簽賬完可以抽獎賺高達200%回贈，另外指定商戶簽賬有高達11%回贈！詳細可以睇返呢篇ZA Bank攻略。

ZA開戶：Android｜iOS｜官網
（邀請碼：O2WB25）

livi bank

livi bank由中銀香港、京東同怡和集團組成。雖然呢間虛銀無出實體debit card，但用佢張虛擬嘅livi Debit Mastercard簽賬有1%回贈，而livi PayLater Mastercard更加係網上簽賬有高達5%回贈，同指定商戶（包括各大酒店網／旅遊平台、Samsung、IKEA、實惠、Nike等）簽賬有高達8%回贈！另外用銀聯二維碼去商戶俾錢，仲可以玩「搖一搖」抽獎賺高達100%回贈！

最後，佢首5萬活期存款有1%年息，而次45萬存款亦有0.4%。今期定期存款更加有高達4.2%年息！詳情可以睇返livi Bank攻略。

livi開戶：App下載｜官網
（邀請碼：LIVIM#250B）

WeLab Bank 匯立銀行

WeLab Bank係全港八間虛擬銀行入面唯一嘅港產銀行。今期雖然就無做緊開戶迎新，但佢嘅定期存款亦有高達4.4厘息！另外，憑WeLab Debit Card喺Deliveroo單一簽賬滿$120，輸入指定優惠碼，仲可以即減$30！詳情可以參考返WeLab Bank攻略。

WeLab開戶：立即申請
（優惠碼：FPYQ69）

Citi Debit Card

Citi呢張DebitCard，本身簽賬有0.5%回贈，而今期迎新仲有1%回贈。而只要啟動咗「Citibank Global Wallet 」之後，呢張卡仲可以支援12種貨幣直接扣賬；如果係戶口入面本身有相應外幣再簽卡扣賬，就可以無手續費淨賺0.5%回贈！詳情可以參考返Citi Debit Card攻略。

HSBC Debit Card

滙豐呢張Debit Card，本身簽賬有0.4%回贈，亦支援12種貨幣直接扣賬，海外簽賬仲要無手續費！即使戶口入面無外幣，以港紙換算外幣扣賬，都一樣可以無手續費淨賺0.4%回贈！詳情可以參考返HSBC Debit Card攻略。

 

*額外迎新禮品由MoneyHero送出及安排換領，受條款及細則約束。有關獎賞換領進度／結果查詢須直接聯絡MoneyHero。所有經本網成功申請紀錄以有關金融機構提供資料為準，MoneyHero保留最終決定權。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。