建行亞洲手機開戶+SI出糧優惠:開戶勁賺$1,300!高達$15,200回贈!

#建行亞洲出糧戶口優惠 #建行亞洲SI假出糧 #建行亞洲手機開戶 #建行亞洲e賬戶服務 #建行亞洲戶口迎新

新客經本網申請指定東亞信用卡,毋須簽賬額外賺$1,200,夾埋迎新賺高達$1,950!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請Citi Cash Back,額外回$500,夾埋迎新無成本賺$1,400!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開Citi東亞大新建行ZAliviWeLab戶口全部有現金獎賞!

有無諗過連開銀行戶口都可以賺迎新?即睇銀行開戶迎新大全

想轉出糧戶口賺迎新?玩SI自製出糧?即睇出糧戶口全攻略

(最後更新:2021年6月)

今期建行亞洲做緊個手機開戶+出糧戶口迎新,要求勁低超抵玩呀!個手機開戶(e賬戶服務)優惠,只要放低$10,000就可以賺到成$1,300回贈呀!然後佢個出糧戶口優惠,最多可以賺到成$2,000,仲要連SI(Standing Instruction 常行指示)自製出糧戶口都計呀!即係唔使煩到公司HR,自己用第二個戶口射筆錢過建行就得除咗手機開戶同出糧戶口之外,仲有個綜合戶口迎新,放錢入去擺又有現金回贈,然後做任務完成指定交易又再有回贈!今期開戶真係勁抵呀!

今期建行亞洲做緊堆優惠,其實真係有啲複雜。簡單而言,視乎你有幾多閒錢,主要可以揀呢幾個choice(厭麻煩嘅話可以唔做任務嗰part,甚至就咁手機開個戶口擺1萬賺$600都得):

  1. 擺1萬賺$600 + 做任務賺$700 = $1,300
  2. 擺1萬 + 用1萬玩SI出糧賺$950 + 做任務賺$700 = $1,650
  3. 擺10萬 + 用1萬玩SI出糧賺$1,700 + 做任務賺$1,100 = $2,800
  4. 擺50萬 + 用1萬玩SI出糧賺$2,150 + 做任務賺$1,100 = $3,250
  5. 擺100萬 + 用1萬玩SI出糧賺$6,100 + 做任務賺$1,100 = $7,200
  6. 擺300萬 + 用1萬玩SI出糧賺$7,200 + 做任務賺$1,100 = $8,300
  7. 擺500萬 + 用1萬玩SI出糧賺$12,400 + 做任務賺$1,100 = $13,500
  8. 擺800萬 + 用1萬玩SI出糧賺$14,100 + 做任務賺$1,100 = $15,200

如果你只係擁有建行信用卡而無銀行戶口,係一樣可以食晒以下全部優惠(除咗開信用卡嗰項)。

建行出糧戶口回贈詳情

一般客戶

智選理財 貴賓理財

貴賓晉裕

最低結餘

$10萬 $100萬

$500萬

1. 手機開戶

申請: $200
放1萬: $400
自動轉賬任務: $500

2. 轉數快

轉數快任務: $100

3. 電子銀行

電子銀行任務: $100

4. 出糧戶口

1萬: $350

1萬: $800 1萬: $1,500

1萬: $2,000

5. 綜合戶口

放10萬: $300
放50萬: $750
放100萬: $4,000
放300萬: $5,100
放500萬: $9,800
放800萬: $11,500

自動轉賬任務: $250
登記電子賬單/結單: $50
申請信用卡: $100

總共

擺1萬: $600

擺2萬: $950

做任務: 多$700

擺11萬: $1,700

擺51萬: $2,150

做任務: 多$1,100

擺101萬: $6,100

放301萬: $7,200

做任務: 多$1,100

擺501萬: $12,400

擺801萬: $14,100
做任務: 多$1,100

*智選理財、貴賓理財、貴賓晉裕戶口一定要再落埋分行開
開戶步驟

要賺盡晒全部獎賞,同經本網推薦開戶,就要跟足以下步驟啦!首先,就click入指定連結登記聯絡資料。之後,就可以開返CCB(HK&MO)個App(AniOS),㩒e-Account Service/e賬戶服務開戶,填好資料(要同網站登記資料相目)影身份證同自拍就搞掂,詳細步驟可以參考下面條片。但呢個App個自拍人臉驗證認真係做得麻麻地,小編都玩咗好多次,最後拍埋牆影再除埋眼鏡先過到。手機提交咗申請之後,大概等兩三個工作天就會開到個戶口。但留意返,手機開戶只係會開到個普通嘅儲蓄戶口同埋出糧戶口,即係頂盡做埋任務都只係賺到$1,650。如果你想賺埋智選理財或以上嘅出糧同綜合戶口回贈,就要手機成功開咗個普通儲蓄戶口之後,再一次過落分行開晒出糧戶口、綜合戶口、股票戶口,先可以賺齊全部回贈。

如果你咁黑仔點自拍都過唔到個驗證,或者已經換咗新身份證(手機開戶暫時未支援),都可以click咗下面橙色指定連結登記之後再上網預約落分行開戶/直接walk-in落分行,然後同職員講返手機開唔到戶,都可以喺分行完成手續照賺到手機開戶迎新。

[為確保成功經本網推薦,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間盡量避免開其他網站。]

建行亞洲戶口開戶:立即申請

1. e賬戶服務(手機開戶)優惠

今期迎新暫時做到2021年6月30日,只限之前12個未持有過建行銀行戶口嘅全新客戶。留意返手機開戶並唔支援新智能身份證。

類別 回贈
1a. 遞交申請 $200
1b. 存入$10,000 $400
1c. 設立自動轉賬 $500

1a. 遞交申請

成功經手機App遞交開立儲蓄戶口申請,即可享$200現金回贈。有關回贈會喺2021年9月30日或之前入賬。

1b. 存款優惠

經手機App成功開立儲蓄戶口,並喺開立日及生效後首2個月內保持每日平均結餘$10,000或以上(或者keep到出回贈為止就更穩陣),可獲$400現金回贈。有關回贈會喺2021年9月30日或之前入賬。

1c. 自動轉賬

經手機App成功開立儲蓄戶口,並於2021年8月31或之前設立1項全新自動轉賬指示(講緊自動轉賬交水電煤繳費嗰啲「直接付款授權指示」)並作出最少1次合資格自動轉賬交易,可享$500現金回贈。呢項自動轉賬指示須要維持至發放回贈為止,而有關回贈會喺2021年9月30日或之前入賬。留意返要做呢個自動轉賬係要落分行搞。

條款及細則

2. 轉數快推廣

呢個轉數快推廣做到2021年6月30日,適用於之前未有為建行戶口登記轉數快嘅用戶。

2a. 賬戶綁定及預設獎賞

首次完成轉數快綁定賬戶,並設定建行為預設收款銀行,可獲$50現金獎賞。呢項綁定同預設收款銀行要喺回贈當日維持有效。有關回贈會喺2021年8月31日或之前入賬。

2b. 交易獎賞

完成上述2a後,再成功透過網上銀行或手機銀行以手機號碼、電郵地址、快速支付系統識別碼或二維碼完成3宗$100或以上轉數快轉賬(包括收款或付款),可獲額外$50現金獎賞。有關回贈會喺2021年8月31日或之前入賬。

條款及細則

3. 電子銀行服務推廣

今期優惠做到2021年6月30號,只適用於2021年4月1日前無登入過網上銀行手機銀行嘅客戶。

3a. 網上銀行

首次成功登入網上銀行,並透過網上銀行完成以下一項指定交易,即可獲$50現金獎賞。有關回贈會喺2021年9月30日或之前入賬。

指定交易

定義

一般交易 銀通無卡提款 成功提取現金3次(其中一次為$500或以上)
繳費 金額達100港元的繳費
外幣買賣 金額達100港元或等值之買賣外幣交易或外匯轉賬
港元定期存款 存款期達1個月,存款額達100,000港元的定期存款
積分換領 成功執行積分換領
投資 證券買賣 透過證券現金/孖展戶口執行證券買賣交易,包括買賣聯交所上市之港元或人民幣計價證券(不適用於認購新股)或上交所上市之滬股通股票

3b. 手機銀行

首次成功登入手機銀行,並透過手機銀行完成以上3a一項指定交易,即可獲$50現金獎賞。有關回贈會喺2021年9月30日或之前入賬。

條款及細則

4. 出糧增值服務

首先同大家簡介下咩係SI(Standing Instruction 常行指示)先。簡單嚟講,SI就係喺你本身銀行戶口set個自動轉賬,然後佢每個月就會自動過數去第二個銀行戶口,即係類似自動轉賬找卡數咁。而某啲銀行(例如建行)係會將呢啲透過SI轉賬入嚟嘅錢當做出糧,咁我地就可以透過SI過數將喺另一間銀行嘅錢轉去建行,從而食到建行出糧戶口優惠。然後當你建行個戶口收到條數,你又可以將筆錢手動轉返去本身個銀行戶口,咁你只要有1萬閒錢無限loop就可以食盡呢個出糧優惠。

要做SI射錢去建行,就要去返你本身用開間銀行到做;一般打電話上hotline,同CS講要做standing instruction每個月指定日子過數去第二個銀行戶口佢就識搞(例如恒生),甚至有啲銀行網上理財已經可以搞掂(例如匯豐),真係搞唔到嘅話就落分行搵櫃台職員,但部份銀行可能會收返幾十蚊手續費。留意返,SI由扣數去到第二間銀行入賬,要預返兩三個工作天,所以千祈唔好set月尾過數,如果唔係第二個月先到賬嘅話就會斷咗出糧紀錄。

仲有樣嘢留意返,就係建行個銀行戶口號碼係好吊詭,你登入網上理財應該會見到佢係000開頭再加9個位數字,如果你直接攞呢個號碼去做SI係好大可能會轉賬唔到。小編打過去問CS,話可以將000開頭嘅呢個分行編號轉做631,就可以成功過數,而小編亦都實測過係work。

4a. 現金獎賞

今期優惠做到2021年6月30日,適用於過往12個月內未曾使用「出糧增值」服務之客戶。只要戶口每個月有高過$10,000嘅月薪(包括SI)存入,並一直維持月薪發放同有效貴賓晉裕/貴賓理財/智選理財/一般客戶戶口直至發放回贈嘅時候,就可以成功賺到現金獎賞。有關回贈會分為兩階段發放,第一階段會喺2022年1月31日或之前入賬,第二階段就係2022年7月31日或之前。大家要留意返,貴賓晉裕/貴賓理財/智選理財戶口係一定要再落分行開

客戶類別 階段1獎賞 階段2獎賞 總現金獎賞
貴賓晉裕 $800 $1,200 $2,000
貴賓理財 $600 $900 $1,500
智選理財 $300 $500 $800
一般客戶 $150 $200 $350

條款及細則

5. 綜合理財服務迎新

呢part嘅綜合理財服務迎新,做到2021年6月30日,只適用於貴賓晉裕/貴賓理財/智選理財戶口。雖然佢條款寫話只限之前12個未持有過建行銀行戶口嘅全新客戶,但小編先後打過電話同落過分行問,職員都話如果係啱啱玩完手機開戶再落分行開綜合理財,係兩邊迎新都可以食晒

5a. 合併結餘

新客戶開戶之後,完成以下要求,即可獲得下列表格相應嘅獎賞。有關回贈會喺2022年2月28日或之前入賬。

  1. 2個月內成功開立並登入網上銀行/申請銀聯提款卡並成功使用該卡一次
  2. 2個月內成功開立證券買賣或外匯掛鈎存款或基金投資服務戶口(股票戶口唔用無收費)
  3. 戶口開立當月後6個月內,每一個曆月保持不少於下列「每日平均合併結餘」(包括股票、投資、保險等)
每日平均合併結餘 現金獎賞
貴賓晉裕 $5,000,000或以上 $7,000
貴賓理財 $1,000,000或以上 $3,500
智選理財 $500,000或以上 $500
$100,000或以上 $300

5b. 新資金

呢part其實同5a嘅合併結餘一樣玩法,不過就只係計儲蓄/支票戶口唔計股票等其他結餘,所以如果只係放存款嘅話係可以同一舊錢一次賺晒5a同5b兩樣現金獎賞(例如放$10萬就一次過賺$3,500+$500)。新客戶只要存入新資金,並喺戶口開立當月後3個月內維持下列存款要求,即可獲得相應獎賞。有關回贈會喺2022年2月28日或之前入賬。

每月平均新資金總結存 現金獎賞
$8,000,000或以上 $4,500
$5,000,000 – $7,999,999 $2,800
$3,000,000 – $4,999,999 $1,600
$1,000,000 – $2,999,999 $500
$500,000 – $999,999 $250

5c. 自動轉賬

成功開立綜合戶口,並於推廣期內設立1項全新自動轉賬指示(講緊自動轉賬交水電煤繳費嗰啲「直接付款授權指示」),並喺推廣期内成功作出最少1次合資格自動轉賬交易,可享$100現金獎賞;如設立2項全新自動轉賬指示更可享共$250現金回贈。自動轉賬指示須要喺回贈當日維持有效,而有關回贈會喺2022年2月28日或之前入賬。

建行亞洲戶口開戶:立即申請

5d. 電子賬單/結單

成功開立綜合戶口,並於推廣期內當月後3個月內透過網上銀行成功設立一項新電子賬單/結單指示,可獲享$50現金獎賞。電子賬單/結單指示須要喺回贈當日維持有效,而有關回贈會喺2022年2月28日或之前入賬。

5e. 申請信用卡

成功開立綜合戶口,並申請建行信用卡主卡及交齊新卡申請所需文件,可享$100現金獎賞。優惠唔適用於之前6個月內曾持有建行信用卡嘅客戶,而信用卡須要喺回贈當日維持有效,有關回贈會喺2022年2月28日或之前入賬。

條款及細則

小結

最後recap多次建行出糧戶口主要幾個玩法:

  1. 擺1萬賺$600 + 做任務賺$700 = $1,300
  2. 擺1萬 + 用1萬玩SI出糧賺$950 + 做任務賺$700 = $1,650
  3. 擺10萬 + 用1萬玩SI出糧賺$1,700 + 做任務賺$1,100 = $2,800
  4. 擺50萬 + 用1萬玩SI出糧賺$2,150 + 做任務賺$1,100 = $3,250
  5. 擺100萬 + 用1萬玩SI出糧賺$6,100 + 做任務賺$1,100 = $7,200
  6. 擺300萬 + 用1萬玩SI出糧賺$7,200 + 做任務賺$1,100 = $8,300
  7. 擺500萬 + 用1萬玩SI出糧賺$12,400 + 做任務賺$1,100 = $13,500
  8. 擺800萬 + 用1萬玩SI出糧賺$14,100 + 做任務賺$1,100 = $15,200

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

64 則留言

  1. 擺1萬 + 用1萬玩SI出糧賺$950 + 做任務賺$700 = $1,650
    點解”用1萬玩SI出糧賺$950″, 唔係$350咋咩?

  2. 手機app整整都整唔到,可以直接去分行開戶嗎? 我申請「智選理財」,可以直接開「智選理財」兼拎到$2800迎新嗎?
    謝謝!

  3. 本身有建行信用卡但無儲蓄戶口,已經有e-banking, 係咪都食到d優惠

  4. 你好!請問關於繳費的額外50元優惠(即於「網上銀行」及/或「手機銀行」內進行一次性金額達100港元或以上的繳費)包括還建行信用卡數嗎?謝謝。

  5. 28號遞交申請,29號收到短信“收到閣下的e 賬戶申請正在處理中,但我們需要更多資料處理你的申請,請於14日內攜同你的ID證明文件/最近3個月之address證明親身到本行任何分行完成開*戶手續。”意思是否失敗,但我登入戶口登得到,會唔會冇獎賞

  6. 申請開戶之後,第二日短信:“建行(亞洲) :閣下的e 賬戶申請正在處理中,但我們需要更多資料處理你的申請,請於14日內攜同你的身份證明文件/最近3個月之住址證明親身到本行任何分行完成開戶手續。查詢29038329[建行亞洲/CCB (Asia)]”,
    意思係申請失敗定係點,去到分行會要求當作重新開戶定係點,
    但我用手機登入,可以入到個戶口,獎賞會唔會冇

  7. 最後一天開戶都可以拎到手機開戶200?

  8. 你好,上周六开银行户口,上传身份和地址 ,因停留时间超过10分钟被弹出来,再登陆后发现原有的资料不见了,又不能输入手机号码,现如何继续完成开户了?

  9. 請問享用 “出糧增值服務”優惠 需要特別申請的嗎?定係直接SI過去就自動當用左出糧增值服務?謝謝

  10. 小編,迎新暫時做到2021年3月31日,今日最後一日仲建唔建議整開戶? 😅

  11. 拎完回贈cut戶口洗唔洗罰錢?

  12. 個APP影完ID已經ERROR
    明明WIFI冇問題 咁係咪冇辦法申請到

  13. 糾結緊開唔開户好,優惠係幾吸引,但衰在中資行
    利申 學生

  14. 問過CS,依家唔係送$200 Pacific Coffee電子現金券,而係送$200現金回贈。

  15. 小編你好

    無運氣申請到,自拍嗰Park但係過好多次唔得!
    小編有什麼心得可以影到😅

    門市搞要預約先搞到

  16. 請問經 貴網站refer 建行 手機開戶+出糧戶口迎新,本人有什麼額外優惠?

  17. 你好,

    請問1c. 自動轉賬, 可唔可以係交信用卡費用? THANKS!

  18. 想問吓自動轉賬指示計唔計交保險或卡數?

  19. 自動轉賬可唔可以填form寄畀銀行而唔親身去?

  20. 本身有建行信用卡,除咗信用卡迎新,仲有冇咩禮遇係食唔到?

  21. 想問下繳費服務可以係上網費電話費這些嗎?

  22. App開戶同綜合戶口都有自動轉帳回贈
    想問係咪即係轉左綜合戶口後
    Set一個autopay就食晒兩個回贈?
    Thanks

  23. 建行智選冇最低存款要求,升上智選再做出糧戶口會唔會食到800蚊?

  24. SI 入建行戶口收唔收手續費?我見建行匯入款項會收15蚊手續費

  25. 推廣期至2020年9月30日,有關優惠詳情及其條款及細則,請參閱「電子銀行」推廣之網頁(www.asia.ccb.com/hk/obmb)。 from https://www.asia.ccb.com/hongkong_tc/personal/banking_channels/promotions/e-account/index.html#tnc

    $1650 offer係咪完左

留言(你的電郵不會被公開)